[ ттвар ] сущ.; -ци, -це; -ар, -ри, -ра 1) техилдин куьлуь элкъвей емиш. # къуьлуьн ~, мухан ~, нехуьн ~, дуьгуьд (ин) ~, кӀахун ~. Явашдаказ гьерекатзавай къайи гар галукьайла, кьелечӀ бежгъеррик квай Риза, хьраз вегьей гьажибугъдадин твар хьиз, зурзадай, адак фул акатдай, чиниз вили ранг янавай ам сефилдиз гагь Саруханаз, гагь чилиз килигдай. А. Ф. Риза Зун къекъвезва гьейран яз Бегьер акваз никӀерин... АцӀай тварар акурла, За гьарайна лугьузва... А. Ал. Хазина. Бегьем са чанта ацӀай пахлаяр хьана, чебни тагъарик кумаз кьуранавай, дигмиш хьанвай ири тварар. ЛГ, 2004, 17.ӀӀ. 2) кӀвалин къушариз гудай техил. Складдай верчериз твар къачуна. Р. 3) бедендал экъечӀдай элкъвей, куьлуь хар хьтинди. ... наркоманрин хам вили хьун, квал акатун, иви кваз къен фин, жендекдиз твар акъатун, къайи фул кваз зурзун акатун, экъуьчун, ажугълу хьун мумкин я. А. Гьамидов. Зарафат туш, тӀегъуьн я. 4) са куьн ятӀани (накьвадин, къумадин) лап куьлуь кӀус. Махачкъала са твар я къумадин Гекъигайла чилин шардив. А. Ал. Каспидикай шиирар.
* туьтуьник твар хьун.