урус, сущ.; -уни, -уна; -ар, -ари, -ара ички хъвазвай шадлух межлисда садан сагълугъдай мурад- метлеб яз лугьудай гафар. Куьруьди я Фиделан тост: «Чал дуствилин рагъ хьурай!» Ирид стхад хкажна тост «Азад Куба сагъ хьурай!» А. С. Зун Кубадиз твах, гар! Кьуна тухуда кӀвализ, Къурмишда туй. Тостар, Тостар, Тостар... А. Ал. Дустуникай баллада. Тостарни ацӀанва цӀийибур, Ван хьайи гьич садни тикрардач. М. Б. Дустарикай кьве шиир. Эрекь авай рюмка хкажна, директор тостунив эгечӀна... А. Фет. Кьерен къванер.
* тост хкажун гл., ни са квез ятӀани талукьарнавай шадлухда ички хъун, шад тирди къалурун. Зи патайни, азиз дустар, Хкаж цӀийи йисан тост. З. Р. ЦӀийи йисан тост.