* фир(фидай)-тефир (тефидай) < чка > сал [ дар] хьун гл., нин || низ авай гьалдай экъечӀдай рехъ жагъуриз тун тавун (жагъун тавун). - Пачагь, вун сагърай, ви къуллугъчийрилай чун рази я. Дегьекар, налогар чна вахт-вахтунда гуэва, анжах Мастанан гъиляй чаз фидай-тефидай чка дар хьанва. Ф. Къифле- къифле хьана, цавуз хкаж хьайи туьтуькъушри вегьей къванери душмандин кьушундиз фир-тефир тӀвек дарна. Ф. Кесибдин хва Къагьриман. - КӀвачел къарагъа, фекьи, - лагьана, судьяди фекьи къарагъарна. - Гила кьванни дуьз лагь, тахьайтӀа ваз лап кӀеви жаза гуда. На и фитне вучиз турди я? Фир-тефир чка сал хьайи фекьи вири хиве кьуниз мажбур хьана. Къ. Къ. Фекьидин фитне. И декьикьада адан рикӀелай вири дуьнья алатнавай; адаз аквазвайди анжах, кӀуфук регъуьвал квай, фир-тефир чка дар хьанвай Зелфи тир. А. А. Умуд. Ахпа моряк рахана: -Эхь, халаяр Ухшар ава Каспи гьуьлуьн лепейриз - Юмшагъ акваз гъида кьилел балаяр, Фидай чка сал ийида луьтквейриз... А. С. Дишегьли. Малигьат алай чкадилай юзаначтӀани, амай рушар туьнтдиз зал акӀ тепилмиш хьана хьи, абуру заз фир-тефир сал авуна, абуру заз талгьай гаф хьанач. Я. Я. Нурар ва хъенар. Зуьрнедин ван мукьув жердавай Къадиразни Велиханаз кицӀерни галаз фир- тефир чка дар хьана. Э. Бабиров. Йифен чинерар. Синоним: кьифрен тӀеквенда тун.