фарс, сущ,; -ди, -да; -ар, -ри. ра 1) тӀуруналди ва я кьалуналди тӀуьн патал гьазурнавай тайин затӀ. Твагни къалгъан язва хуьрек, Маса куьнив кар авайд туш. С. С. Хуьрек туьрдалай гуьгъуьниз Алиди, мугьманриз хуьре авай гьалдикай суьгьбетна, вичин фикирар лагьана. А. И. Самур. Адан рикӀ алай хуьрекрикай садни хешил тир. Хешилдиз гзаф некни, чӀемни, виртни яна ада вичин зурба кур кьведра ацӀурна недай. З. Р. Зи уьмуьрдин шикилар. 2) тӀуьн. Къе хуьрек гудай югъ тушни? Р.
* хуьрекдин кӀвал сущ. тӀуьрди иливардай бедендин пай. Хуьрекдин кӀвал тӀазвай Онассизаз мад вич кӀвачел кьахрагъ тийирди чизвай. Х. Ш. "КафтӀардиз" элкъвей "гьуьруьпери".
* хуьрекдин тӀур сущ. хуьрек къапунай сивиз тухун паталай ракьукай, кӀарасдикай раснавай затӀ.