Bratso Dimitriyeviç
Slobodan "Bratso" Dimitriyeviç (bosn. Braco Dimitrijević;18 iyun 1948[…], Sarayevo) ― konseptualizm üslubunda çəkən Bosniya rəssamı. Əsərləri əsasən tarixə və insanın tarixdəki yerinə həsr edilib. Fransanın Paris şəhərində yaşayır və çalışır.
1985-ci ildə Teyt qalereyasında da daxil olmaqla 1970-ci illərdən bəri beynəlxalq sərgilərdə iştirak etmişdir. O, Documenta (1972, 1977 və 1992) və Venesiya biennalında (1976, 1982, 1990, 1993 və 2009) iştirak etmişdir. Onun əsərləri Teyt qalereyası, Nyu-York Müasir İncəsənət Muzeyi və Pompidu Mərkəzi kimi müxtəlif yerlərdə saxlanılır.
== İlk illəri və əsərləri ==
18 iyun 1948-ci ildə o vaxtı Yuqoslaviyanın tərkib hissəsində olan Bosniya və Herseqovinın Sarayevo şəhərində anadan olmuşdur. Atası Yuqoslaviyanın ən məşhur müasir sənətkarlarından biri olan rəssam Voyo Dimitriyeviç idi. O, 5 yaşında rəsm çəkməyə başladı və 1957-ci ildə "Filmske Novosti "("Kino Xəbərləri") adlı televiziya şousunda iştirak etdi.