Artemi Volınski
A. P. Volınski (1689–1740) – Pyotr çağının bacarıqlı gənc siyasi xadimlərindən biridir.
== Həyatı ==
O, məşhur Volınskilər nəslindəndir. Atası Pyotr Volınski çar sarayında süfrəçi kimi xidmət etmişdi.
Xəzər dənizi hövzəsində öz hökmranlığını yaratmaq istəyən I Pyotr 1715-ci ildə İsfahana, İran şahının yanına böyük bir elçilik göndərmişdi. Ayrı-ayrı peşə və ixtisasları təmsil edən 71 adam A. P. Volınskinin başçılığı ilə bu elçiliyin tərkibinə qoşulmuşdu. Dərbəndə 1716–cı il avqustun 28-də gəlib çatan elçilik oktyabrın 27-dən dekabrın 4-dəkŞamaxıda qalmış, sonra Muğan və Təbrizdən keçərək İsfahana yollanmışdı. Burada aparılan danışıqlardan sonra (14 mart – 1 sentyabr 1717-ci il) elçilər Lənkərandan keçməklə yenidən Şamaxıya qayıtmış, 1717-ci il dekabrın 12-dən 1718-ci il iyunun 16-a kimi yenidən burada qalmışdılar. Beləliklə,Rusiya elçiləri Səfəvi İranının paytaxtı İsfahanda 5 ay yarım Şamaxıda isə 7 ay yarım olmuşdu. Buradan aydındır ki, Şimali Azərbaycan və bütünlükdə Zaqafqaziya məsələsi elçiliyin və çar Rusiyası hökumətinin qarşıya qoyduğu başlıca məqsədlərdən biri idi. Tarixi ədəbiyyatda A. P. Volınski elçiliyinin yazıları geniş öyrənilmişdir.
Jorj Volinski
Jorj Volinski (fr. Georges Wolinski; 29 iyun 1934, Tunis – 7 yanvar 2015[…], XI arondisman) — fransız karikaturist və jurnalist. "Charlie Hebdo" jurnalının əməkdaşı. 2015-ci il 7 yanvar tarixində "Charlie Hebdo" dərgisinə edilən silahlı hücum zamanı öldürülüb.
Vladimir-Volınski Tarix Muzeyi
Vladimir-Volınski Tarix Muzeyi» (ukr. Володимирський історичний музей) — Ukraynanın Volın vilayətinin ən qədim antikvar kolleksiyalarından biridir. Onun əsası 1887-ci ildə qoyulmuşdur. O dövrdə ziyalıların nümayəndələri və antik dövr həvəskarları şəhərdə "Qədim anbar" təşkil edirdilər. Bu muzeyin prototipi olur. Müasir muzey 20-ci əsrin əvvəllərində formalaşır. Bu kolleksiyaya artıq yüzlərlə qiymətli eksponat daxil idi: əlyazmalar, erkən çap olunmuş kitablar (o cümlədən 16-cı əsrin İncilləri), nişanlar və sikkələr. Muzeyə yerli tarixçi-entuziast, Müqəddəs Vladimir Qardaşlığının sədri zadəgan E. N. Dvernitski (1838-1906), rəhbərlik edirdi. Birinci Dünya müharibəsi illərində Vladimirin “Qədim anbarları”nın bir çox eksponatı Xarkov muzeylərinə köçürülür. Müharibələrarası dövrdə tarixi muzey keçmiş Dominikan monastırının - XV-XVIII əsrlərə aid memarlıq abidəsinin ərazisində yerləşirdi.