Barbaco
Barbaco (fr. Barbaggio, kors. Barbaghju) — Fransanın Korsika regionunda yerləşən kommuna. Kommuna departamenti — Yuxarı Korsika. La-Konka-d'Oro kantonuna daxildir. Kommunanın dairəsi — Bastiya.
Kommunanın INSEE kodu — 2B029.
== Əhalisi ==
2008-ci ildə kommunanın əhalisi 216 nəfər təşkil edirdi.
== İqtisadiyyatı ==
2007-ci ildə əmək qabiliyyətli yaşda olan 143 nəfərdən (15–64 yaş) 104 nəfər iqtisadi fəal, 39 nəfər qeyri-fəal (fəaliyyət göstəricisi 72,7%, 1999-cu ildə 57,0%) olmuşdur. Fəaliyyətdə olan 104 nəfərdən 99 nəfəri (57 nəfəri kişi və 42 nəfəri qadın), 5 nəfəri işsiz (4 nəfəri kişi və 1 nəfəri qadın) olub.
Barack Obama
Barak Hüseyn Obama (ing. Barack Hussein Obama; 4 avqust 1961[…], Honolulu) — ABŞ siyasətçisi, ABŞ-nin 44-cü prezidenti (20 yanvar 2009 – 20 yanvar 2017). Prezident seçilənə qədər ABŞ Senatının İllinoys ştatının kiçik senatoru olub. 2009-cu ildə Nobel Sülh mükafatına layiq görülmüşdür. ABŞ-nin ilk afroamerikalı prezidentidir.
== Həyatı ==
4 avqust 1961-ci ildə Havay adalarında anadan olan Barak Hüseyn Obamanın qaradərili atasının Barak Hüseyn Obama (ata), ağdərili anasının adı isə Stenli Enn Danhemdir. Keniyadan olan 27 yaşlı atası ilə Kanzasdan olan 18 yaşlı anası Havay Universitetində tanış olmuşlar. Valideynləri onun doğulmasından altı ay əvvəl, 2 fevral 1961-ci ildə Havay adalarının Vailuku şəhərində toy etmişdir. 1961-ci ilin avqustunda, anası onu yanına alaraq Sietl şəhərinə köçmüşdür. Obamanın valideynləri 1964-cü ildə boşanıb.