Lüğətlərdə axtarış.

Hesabın təsdiqlənməsi — yeni və ya mövcud hesabın müəyyən bir real şəxs və ya təşkilata məxsus olduğunu və bu şəxs tərəfindən idarə edildiyini təsdiqləmək prosesi. Bir sıra veb-saytlar, məsələn, sosial media saytları, hesab təsdiqləmə xidmətləri təklif edir. Təsdiqlənmiş hesablar tez-tez fiziki şəxslərin və ya təşkilatların adlarının yanında razılıq nişanı ikonaları və ya emblemləri yerləşdirilərək vizual formada fərqləndirilir. Hesabın təsdiqlənməsi onlayn xidmətlərin keyfiyyətini yüksəldə bilər, kukla oyunlarını, botları, trolluqları, spamları, vandalizmi, saxta xəbərləri, dezinformasiyanı və seçki müdaxiləsini azalda bilər. == Tarixi == Hesabın təsdiqlənməsi "Twitter" tərəfindən 2009-cu ilin iyun ayında ilkin olaraq "musiqi, aktyorluq, moda, hökumət, siyasət, din, jurnalistika, media, idman, biznes və digər əsas maraq sahələri"ndə ictimai xadimlər və maraqlı hesabları fərqləndirmək məqsədilə təqdim edilmişdir. Oxşar yoxlama sistemi 2011-ci ildə "Google+", 2015-ci ilin oktyabrında "Facebook", 2014-cü ildə "Instagram" və 2015-ci ildə "Pinterest" tərəfindən qəbul edilmişdir. "YouTube"da istifadəçilər 100,000 və ya daha çox abunəçi əldə etdikdən sonra təsdiqləmə nişanı üçün sorğu göndərə bilərlər. Musiqiçilər və musiqi qrupları üçün "rəsmi incəsənət xadimi" nişanı da var. 2016-cı ilin iyul ayında Twitter ictimai xadimlərdən başqa istənilən şəxsin hesabın yoxlanılması üçün müraciət edə biləcəyini elan etdi. Bu, təsdiqləmənin “etibarlılıq” və ya “əhəmiyyət” daşıdığı qənaətinə görə, ifrat sağçı “Sağları birləşdirin” mitinqinin təşkilatçılarından birinin təsdiqlənməsinə qarşı reaksiyadan sonra, 2018-ci ilin fevralında müvəqqəti olaraq dayandırıldı.

Cinsiyyəti təsdiqləmə əməliyyatı, Cinsiyyətin dəyişdirilməsi əməliyyatı və ya Bədənin tənzimlənməsi əməliyyatı — insanın anadangəlmə cinsiyyətinə müvafiq olan fiziki görünüşünü və bioloji cinsi xüsusiyyətlərini müəyyən etdiyi gender kimliyi ilə uyğunlaşdırmaq üçün dəyişdirilməsinə imkan verən cərrahi prosedur və ya prosedurlar seriyasıdır. Tarixdə məlum olan birinci cinsiyyətin dəyişdirilməsi əməliyyatı 1931-ci ildə Berlində vaginaplastika əməliyyatı keçirən Dora Rixterin üstündə həyata keçirilmişdir. == Əməliyyat == Əməliyyatın həyata keçirilməsi üçün xəstəxana, komissiya hesabatları və məhkəmə qərarı tələb olunur. Kişi cinsiyyətinə sahib olmaq istəyən qadınlara ediləcək penis implantasiyası üçün iki üsuldan istifadə edilir. Bunlardan birincisi qolun dərisi, ikincisi isə ayağın nazik sümüyünün dərisindən hazırlanan protezlərdirlər. Bu cərrahi əməliyyat penisi meydana gətirəcək qapaqların (flapların) hazırlanması, yeni sidik yollarının yaradılması və alt tərəfdən görünüş kimi mərhələlərdən ibarətdir. Qadın cinsinə keçmək istəyən kişilərin üzərində həyata keçirilən əməliyyatlarda isə cinsiyyət orqanının dərisi kökündən hər tərəfli kəsilərək əlcək barmağı kimi soyulub çıxardılır. Dərisiz qalmış penisdə olan süngərvari, mağaralı cisimlər (corpus cavernosum) qasıq dərisinin altında hər iki tərəfdən basdırılır və beləliklə vulvanın böyük dodaqları (labia majora) kimi qabarıqlıq əmələ gətirilir.