Cyberpunk
Kiberpank – hərfən “cyber” və “punk” sözlərinin birləşməsindən əmələ gəlmişdir, ilk dəfə Bruce Bethke-nin “Cyberpunk” adlı qısa hekayəsinin adında meydana çıxmışdı. Hekayə 1983-ci ildə “Amazing” fantastik hekayələr jurnalında nəşr edilmişdi. Bu qısa hekayə etik qüsurları olan bir qrup yeniyetmə kreker haqqında yüksək texnologiyalar sahəsində elmi-fantastik hekayə idi. Bethke bildirir ki, bu sözü “pank münasibətləri” və “yüksək texnologiya” anlayışlarını birləşdirən söz axtararkən tapmışdı.