1. is. Sonradan almaq və ya ərə getmək üçün nəzərdə tutulan qız, yaxud da oğlan.
Əlbəttə, heç bir gözaltın varmı?
[Süsənbər Səməndərə:] Sözümə cavab vermədin, axı, bəlkə gözaltın var?
□ Gözaltı etmək (eləmək) – 1) sonradan almaq və ya ərə getmək, yaxud bir şeyi sonradan əldə etmək üçün nəzərdə tutmaq. Qızı gözaltı etmək.
– Tahir anasının kənddə gözaltı elədiyi qızı yox, Lətifəni sevdiyini yazmışdı.
[Gülnaz:] Sən də birini gözaltı eləyib onun haqqında fikirləşərdin. ;
2) nəzərdə tutmaq, göz qabağında tutmaq, qabaqcadan bilmək.
[Kərbəlayı Məmmədəli:] Bilirsinizmi ki, oğurluq eləyən gərək binamusluğu da gözaltı eləsin.
Cuma … özünə tay olacaq bir əsgər … gözaltı eləməyə çalışacaqdı.
2. zərf Başqasına bildirmədən, hiss etdirmədən; gizlincə. Gözaltı nəzər salmaq.
– …Ətrafında vüqu bulan hər bir şeyə [qadın] gözaltı baxıb diqqət yetirirdi.
Məşədi Qadir bu xəbəri söyləyəndə gözaltı baxıb nə sayaq təsir edəcəyinə diqqət verirdi.
Qız dönüb gözaltı gözümə baxdı; Bu gizli baxışda sabahı gördüm…