1. Birinin izi ilə, ardınca getmək, təqib etmək, izinə düşmək.
– [Xəyyam:] Yox, oxşayacaq ruhumu bir zərrə səadət; İzlər məni hər dürlü fəlakət.
Sarıbəniz uşaqlar həyəcanla bu məhbusları izləyirdilər.
Mən inamla irəliləyən Rəşidi addım-addım izləyirdim.
… // İzinə düşüb axtarmaq, aramaq. Oğrunu izləmək.
– Böyük bir mahalın divanı yerindən tərpənib Nəbini izləməyə başlamışdı.
// Göz qoymaq, güdmək.
Üstü örtülü səbətlərdən şübhələnmiş polis xəfiyyəsi, uzaqdan-uzağa Qulam dayını izləyirdi.
Maya daha diqqətlə ərini izləyərək, onda başqa bir qadın iyini duyduqda sarsılmışdı.
[Teymur Zərifəyə deyir:] Biz illər uzunu sənin həyatınla maraqlanmış, hər addımını izləmişik.
2. məc. Birinin yolu ilə getmək, onun yolunu davam etdirmək, dalınca getmək.
Bir dramaturq olaraq [Ü. Hacıbəyov] məhz M.F.Axundov və C. Məmmədquluzadənin dramaturji üslubunu izləyərək … misli görünməmiş komediyalar yazmışdır.
3. məc. Təqib etmək, göz qoymaq, müntəzəm tanış olmaq. Gündəlik mətbuatı izləmək.
– Firidun … diqqətlə qəzetləri izləyirdi.