Junkers Ju 87
Junkers Ju 87 digər adıyla Stuka (Sturzkampfflugzeug), Junkers firması tərəfindən İkinci dünya müharibəsi zamanı Alman Hava Qüvvələri üçün istehsal edilən yüngül bombardman təyyarəsi.
Əsas xüsusiyyətləri qağayı şəklindəki yuxarıya doğru qalxmış qanadları, sabit eniş təkərləri və şığıdığı zaman düşmən təyyarələrini qorxudan sirenaları . Almanların, İldırım Döyüşü (Blitskriq) taktikasını tərk etdiyi 1943-cü ilə qədər təsirli olaraq istifadə edilmişdir. 1936–1944 arasında 6.000-dən çox Stuka istehsal edilmişdir
Stukalar İldırım döyüşü (Blitskriq) zamanı üçün istehsal edilmişdir. Başlıca vəzifəsi Alman zirehli vasitələrinin sürətli irəliləyişini təmin etmək üçün düşmən zirehli vasitələrini və toplarını, tanksavar kimi müqavimət nöqtələrini məhv etməkdir. Stuka təsirli və məqsədəuyğun bir təyyarə olmasına qarşı yavaş, zırehsiz və düşmən qırıcılarına qarşı müdafiəsiz idi. Bunun üçün çox vaxt qırıcı təyyarələrinin qoruması altında uçurdular. Stukalar döyüş boyunca davamlı inkişaf etdirilmişdilər. Ju 87G modelində sirenalar çıxardılmış onun yerinə 37mm'lik toplar qoyularaq bir tanksavar təyyarəsinə çevrilmişdir.
Stukalar hədəfə hücum etmədən əvvəl yüksəkdən uçmaq və hədəf göründükdən sonra 90 dərəcəyə yaxın bir bucaq ilə hədəfə şığıyıb bombalarını buraxmaq üzrə nəzərdə tutulmuşdur.
Junkers Ju 88
Junkers Ju 88 , İkinci dünya müharibəsi zamanı Luftwaffe tərəfindən istifadə edilən, cüt mühərrikli, çox məqsədli hava vasitəsi. Döyüşün ən çox yönlü təyyarələrindən biridir. Dalış bombardmanı, taktika bombardman, yaxın hava dəstəyi, gecə ovçusu, torpedo bombardmanı, kəşf təyyarəsi və hətta Mistel layihəsində nəhəng bir uçan bomba olaraq xidmət gördü . Problemli inkişaf etdirilmə müddətinə baxmayaraq, Luftwaffenin ən əhəmiyyətli dəyərlərindən biri idi.