1. Üfüqi vəziyyətdə bir-birinin üstündə yerləşən cismin laylarından hər biri; lay, təbəqə. Torpağın alt qatları. Yer kürəsinin dərin qatları. Havanın üst qatları.
– Bir sıra neftli sahələrin dərin qatlarında olan neft layları hələlik tədqiq edilməmişdir.
// Qədim təsəvvürə görə, göyün qübbələrini təşkil edən hər təbəqədən biri.
□ Göyün (göylərin) qatı – çox uca mənasında.
Göylərin qatına ucaldı fəryad; O qırğın Qafqazda tutar qoymadı.
Fələki dolanır göyün qatını.
2. Mərtəbə.
Tövlə evin alt qatında idi.
Yeddimərtəbə binanın üçüncü qatında balkonu küçəyə baxan mənzil xüsusi bir səliqə ilə düzəlmişdi.
3. Bükülmüş parçanın, kağızın və s.-nin hər bükümü. Parçanı dörd qat qatladım.
// Büküş yeri, qırış. Bu parçanı qat kəsmişdir.
// İpdə tel, burum. İpin qatını açmaq.
4. Dəfə, kərə (adətən rəqəmlərlə).
Saldıqca cavanlıqda keçən günləri yadə; Dərdim olur on qat.
◊ Dalı qatda, arxası qatda – dal tərəfdə, arxa tərəfdə, arxası üstdə.
Şahsənəm dönüb Qəribi dalı qatda görən kimi atılıb, boynuna sarıldı. “”.
