1. Əlavə etmək, qoymaq, birləşdirmək, qoşmaq, içərisinə daxil etmək. Qoyunu sürüyə qatmaq.
– Hər birinə ağır taylar çatdılar; Bizləyə-bizləyə köçə qatdılar.
Gözəldir günəşi, ayı səsləyib; Onları da bizim dəstəyə qatmaq.
Göz tək bulaqlardan buz tək suları; Axıdıb çaylara qatar, o dağlar.
□ Qabağına qatmaq – bax qabaq 2
2. Qarışdırmaq. Sirkəyə su qatmaq. Südə su qatmaq.
– Aşiqin cigər qanından şərbəti var, ey həkim; Qatma anın şəkkərinə qəndlə innablar.
Su, şaraq-şaraq axaraq, daşla qumu bir-birinə qatıb gəlirdi.
□ Qatıb qarışdırmaq – qarmaqarışıq etmək, bir-birinə qarışdırmaq, dolaşdırmaq.
[Rəcəb:] O zaman balası da mənim atmaca sözlərimi özgə cürə yozub, qatıb qarışdırıb…
3. dan. Salmaq, soxmaq.
Yekə kişi, xalqın eşşəyini oğurlayıb gətirmisən, qatmısan mənim karvansarama.
4. Bəzi isimlərin qabağına gətirilərək, mürəkkəb feillər və müxtəlif ifadələr düzəldilir; məs.: pər qatmaq, şuluq qatmaq, əl qatmaq.