RƏQƏMLİ

sif. bax Rəqəmsal Televiziyada: □ Rəqəmli analoqlu dəyişmələr – analoqlu siqnalların kodlaşdırılmış söz ardıcıllığı ilə bərpa edilməsi; Rəqəmli analoqlu tənzimləmə – analoqlu tənzimləmələr, məsələn, televizorlarda parlaqlığı, dəqiqliyi tənzimləmək üçün rəqəmli çıxışlardan istifadə; Rəqəmli diapozitiv – rəqəmli videodiskə yazılmış hərəkətsiz təsvir; Rəqəmli xüsusi effektlər – xüsusi effekt generatorlarının (XEG) köməyi ilə yaradılan effektlər; Rəqəmli kamera – informasiyanın verilməsi prosesini asanlaşdırmaq məqsədilə videosıranın rəqəmli formada yazılışı üçün aparat. Rəqəmli kompressiya – yaddaşa qənaət və verilişin səmərəliliyinin yüksəldilməsi məqsədi ilə saxlanılan informasiyanın itkisinə yol vermədən məlumatın yığcam rəqəmli formaya keçirilməsi üsulu; Rəqəmli montaj – təsvirin kompüter avadanlığına köçürülərək xüsusi proqrama əaslanan rəqəmli üsullarla montaj edilməsi; Rəqəmli səs lenti – üzərinə səs siqnallarının yazıldığı lent kaseti; Rəqəmli skaner – məsafədən idarəetmə (Mİ) pultlarında videomaqnitofonlarda ştrix kodlar tətbiq etməklə taymerin operativ proqramlaşdırılması üçün tətbiq olunan rəqəmli hesablayıcı qurğu; Rəqəmli televiziya – rəqəmli texnologiya əsasında işləyən sistem, teleavadanlıq; Rəqəmli videoprosessor – videosiqnalın işlənməsinin rəqəmli qurğusu; Rəqəmli videoyayım – multimedianın video, audio və məlumatların rəqəmli ötürülməsinin ümumi beynəlxalq standartı.