Seitnebi Abduramanov
Seitnebi Abduramanov (15 fevral 1914, Bağçasaray rayonu[d] – 15 dekabr 1987, Nəməngan) — Krım tatarı əsilli Şöhrət ordeni laueratı. İkinci Dünya müharibəsi illərində Sovet komandiri kimi fəaliyyət göstərmişdir. 1946-cı ildə 1-ci dərəcəli Şöhrət ordeni ilə təltif olunmuş lakin krım tatarı etnik mənsubiyyətinə görə Özbəkistana sürgün edildiyi illərdən bəri mükafatdan xəbərsiz idi.
Abduramanov 15 fevral 1914-cü ildə Krımın Böyük-Qaralez şəhərində krım tatarı əsilli kəndli ailəsində anadan olmuşdur. Yeddinci sinifi bitirdikdən sonra 1936-cı ildə hərbi xidmətə çağırılmışdır. Ordudan tərxis olduqdan sonra vergi müfəttişi kimi çalışmışdır. 1939-cu ildə başlayan SSRİ-Finlandiya müharibəsinə görə yenidən ordu sıralarına çağırılmışdır.
15 dekabr 1987-ci ildə Özbəkistan SSR-nin Nəməngan şəhərində vəfat etmişdir.
Abduramanov Almaniyanın Sovet İttifaqına hücumundan dərhal sonra 1941-ci ilin iyununda artilleriya qurğusunun tərkibində Cənub-qərb cəbhəsinə yerləşdirildi. İlk döyüşündə silah qırıldıqdan sonra bir piyada dəstəsinə qoşulmadan əvvəl üç düşmən tankını məhv edə bildi.
Seitumer Emin
Seitumer Emin (krımca:Seitümer Ğafar oğlu Emin, 15 may 1921, Bağçasaray rayonu[d] – 21 mart 2004, Novorossiysk, Krasnodar diyarı) — Krım tatarı əsilli yazıçı, şair və İkinci Dünya müharibəsində iştirak etmiş partizan. İkinci Dünya müharibəsindən əvvəl şeir yazmağa başlayan nəsil ilə 1960-cı illərdə şeir yazmağa başlayan nəsil arasında əlaqə yarada bilən şairlərdən biri olmuşdur. Şeirləri "Bəyaz Çiçəklər" (1968) və "Atəşli Günler" (1969); Rus dilindəki şeirləri "Alov dalğaları" (1977), "Yol" (1980), "Sesler" (1983) və "Menim Sesim" (1987) şeir kitablarında çap olunmuşdur. Əsərlərində vətənə sevgi, xeyirxahlıq, ədalət, xalqın gələcəyi və nəsillərin davamlılığı kimi mövzularda düşüncələrini ortaya qoymuşdur.
15 may 1921-ci ildə Bağçasaray rayonun Albat kəndində krım tatarı əsilli bir ailədə anadan olmuşdur. Yeddi yaşında atasını itirdiyi üçün uşaq yaşlarında işləməyə məcbur qalmışdır. Biyuk-Özənbaşda orta məktəbi bitirdikdən sonra "Udarnik" qəzetində, daha sonra "Krasnıy Krım" da işləməyə başlamışdır.
21 mart 2004-cü ildə Novorossiysk şəhərində vəfat etmişdir. 2014-cü ildə doğma kəndi Albatda xatirəsinə abidə qoyulmuşdur. Sevdiyi Krımı itirmək haqqında şeirləri bu gün də populyar olaraq qalır.