По-русски
Dil
Növ
Lüğətlər
Lüğətlər → İslam. Tarix, fəlsəfə və hüquq

TÜLEYHƏ

(21/642-ci ildə vəfat etmişdir) – Ərəbistanın yalançı peyğəmbərlərindən biri olmuşdur. Əsəd qəbiləsinin başçısı idi. Hələ Məhəmməd peyğəmbərin sağlığında özünü peyğəmbər elan etdiyinə görə ona qarşı İslam ordusu oraya yürüş etmişdir. Ancaq, Tüleyhə öz tərəfdarları ilə birlikdə qaça bilmişdir. Məhəmməd peyğəmbərin vəfatından sonra Tüleyhə Xilafətə qarşı üsyan etmişdir. Buna görə də, xəlifə Əbu Bəkr ona qarşı Xalid ibn Validnun başçılığı altında qoşun göndərmişdir. Müsəlmanlar Tüleyhənin ordusunu darmadağın etmələrinə baxmayaraq o yenə də qaça bilmişdir. Ancaq, daha sonra o müsəlmanlara tabe olmuş və İslamı qəbul etmişdir. Bundan sonra o, müsəlmanlarla birlikdə İraq və Suriyada döyüşmüşdür.
а a b c ç d e ə f g ğ h x i k q l m n o ö p r s ş t u ü v y z
ta tə ti tö tu tü
TUR DAĞI
UHUD
OBASTAN VİKİ
Tüleyhə
Tüleyhə (ərəb. ﻃﻠﻴﺤـة ﺑﻦ ﺧﻮﻳﻠﺪ ﺍلاﺳﺪﻱ‎) — Əsəd qəbiləsinin lideri və Ərəbistanın “yalançı peyğəmbərlərindən” biri. 7-ci əsrdə Ərəbistandakı peyğəmbərlik hərəkatının xarakterik simalarından biri Tüleyhə Əsəd qəbiləsinin hərbi liderlərindən biri idi. 626 və 627-ci illərdə müsəlmanlarla döyüşlərdə iştirak etmişdir. O, fərasəti və gələcəyi proqnozlaşdırmaq bacarığı ilə məşhur idi. 631-32-ci illərdə Tüleyhə özünü peyğəmbər elan edir, ərəblərin gələcək qələbələri, xüsusən də Suriya və İraqı fəth etmələri haqqında peyğəmbərlik etmişdir. Məhəmməd peyğəmbərin vəfatından sonra fəaliyyətini gücləndirir, Əsəd, Fəzar və Tay qəbilələrinin bir hissəsini İslamdan müvəqqəti uzaqlaşmağa müvəffəq olur. Onun fəaliyyəti gənc müsəlman dövləti üçün təhlükə yaradır. Xalid ibn Vəlidin komandanlığı ilə ona qarşı göndərilən qoşunlar onun ordusunu məğlub edir. Qaçan Tüleyhə sonradan tövbə edərək İslamı qəbul edir.