Şirəli Məmmədov
Şirəli Məmmədov | |
---|---|
Şəxsi məlumatlar | |
Doğum tarixi | |
Doğum yeri | Ordubad Rusiya İmperiyası |
Vəfat tarixi | 18 fevral 1984 (79 yaşında) |
Vəfat yeri | |
Milliyyəti | SSRİ→ Azərbaycan azərbaycanlı |
Partiya | Kommunist partiyası |
Fəaliyyəti | professor |
Elmi fəaliyyəti | |
Elmi dərəcəsi |
| titul_2 = Azərbaycan KP-nın Naxçıvan Vilayət Komitəsinin ikinci katibi[1] | sıra nömrəsi_2 = 2 | bayraq_2 = COA Azerbaijan SSR.png | bayraq2_2 = Flag of Azerbaijan SSR.svg | dövr əvvəl_2 = 1944 | dövr son_2 = 1945 | sələfi_2 = Ağamirzə Əhmədov
Məmmədov Şirəli Nəsirzadə - texnika elmləri doktoru, professor, Azərbaycan EA akademiki
Həyatı
Məmmədov Şirəli Nəsirzadə Azərbaycanın Naxçıvan MR Ordubad rayonunun Dəstə kəndində anadan olmuşdur. 1930-cu ildə dağ-mədən mühəndisi ixtisası üzrə Moskva Dağ-Mədən Akademiyasını bitirmişdir. Maqnitoqorsk filiz mədənində işləmiş, Culfa "Soyuzmərgümüş" kombinatının rəisi olmuşdur. 1938-ci ildə "Böyük filiz yataqlarının işlənilməsi zamanı kameralararası kütlələrin qoparılması məsələlərinə dair" mövzusunda namizədlik dissertasiyası müdafiə etmişdir. Moskva Dağ-Mədən İnstitutunun filiz yataqlarının işlənilməsi kafedrasına rəhbərlik etmişdir. Böyük Vətən müharibəsi illərində "Naxduzfiliz"in baş mühəndisi vəzifəsində işləmişdir. 1948-ci ildə Moskvada Əlvan Metallar və Qızıl İnstitutunda "Filiz yataqlarının işlənməsinin yeraltı sistemlərinin seçilməsinin əsas prinsipləri" mövzusunda doktorluq dissertasiyası müdafiə etmişdir. 1950-1953-cü illərdə Zaqafqaziyada ən iri filiz-mədən kompleksinin Daşkəsən Dağ-Mədən Kombinatının tikintisinə rəhbərlik etmişdir. 1953-1954-cü illərdə Azərbaycan Dövlət Universitetinin elmi işlər üzrə prorektoru, 1956-1959-cu illərdə isə geofizika kafedrasının müdiri olmuşdur. 1959-cu ildə Azərbaycan Elmlər Akademiyasına müxbir üzv seçilmişdir. 1959-1961-ci illərdə Azərbaycan SSR Nazirlər Soveti yanında Ali və Orta İxtisas Təhsili Komitəsinin sədri vəzifəsində işləmişdir. 1965-1970-ci illərdə Azərbaycan Neft və Kimya İnstitutunun faydalı qazıntı yataqlarının işlənilməsi kafedrasının müdiri olmuşdur. 1968-ci ildə Azərbaycan Elmlər Akademiyasının həqiqi üzvü seçilmişdir. 1970-1982-ci illərdə Azərbaycan Neft və Kimya İnstitutunun faydalı qazıntıların işlənilməsi kafedrasının professoru olmuşdur. 1958-ci ildən 1984-cü ilə qədər Azərbaycan EA Geologiya İnstitutunda (indiki Geologiya və Geofizika İnstitutu) dağ-mədən işləri sektoruna rəhbərlik edərək Azərbaycanda dağ-mədən elminin əsasını qoymuş və onun yaradıcısı olmuşdur.
Elmi fəaliyyəti
Məmmədov Ş.N. dağ-mədən süxurlarının partlayışla dağıdılması, filiz və qeyri-filiz yataqlarının işlənməsi, şaxta üsulu ilə neftin çıxarılmasının, filiz yataqlarının işlənməsinin yeraltı sistemlərinin təsnifatı üzrə mühüm nəzəri və təcrübü əhəmiyyəti olan elmi tədqiqatları yerinə yetirmişdir. Onun faydalı qazıntıların işlənməsi sistemi üzrə fundamental əsərləri dağ-mədən elmini çox zənginləşdirmişdir.
O, ali təhsil müəssisələrinin dağ-mədən fakültəsi tələbələri üçün azərbaycan dilində ilk dəfə yazılmış dərsliklərin və dərs vəsaitlərinin müəllifidir. 220-dən çox elmi əsəri, o cümlədən 23 monoqrafiyası dərc olunmuşdur. Faydalı qazıntıların işlənməsi üzrə çox sayda mütəxəssislər hazırlamışdır.
- 1904-cü ildə doğulanlar
- 18 fevralda vəfat edənlər
- 1984-cü ildə vəfat edənlər
- 79 yaşında vəfat edənlər
- Bakıda vəfat edənlər
- Texnika elmləri doktorları
- Əlifba sırasına görə vəzifəli şəxslər
- Ordubad rayonunda doğulanlar
- Professorlar
- AMEA-nın həqiqi üzvləri
- Azərbaycan akademikləri
- Naxçıvan Kommunist Partiyasının Mərkəzi Komitəsinin ikinci katibləri