Danil Quliyev

Quliyev Danil Piri oğlu (17 sentyabr 1923, Əmircan, Bakı qəzası – 2001, Düsseldorf) — Bakı Ali Partiya Məktəbinin rektoru, Azərbaycan SSR ali və orta ixtisas təhsili naziri (1970–1971), Azərbaycan SSR Ali Sovetinin IX çağırış deputatı.^[1]

Danil Quliyev
Azərbaycan Kommunist Partiyası Mərkəzi Komitəsinin katibi
12 mart 1971 – 1976
Birinci katib	Heydər Əliyev
Azərbaycan SSR ali və orta ixtisas təhsili naziri
24 avqust 1970 – 12 mart 1971
Əvvəlki	Züleyxa Hüseynova
Sonrakı	Qurban Əliyev
Bakı Ali Partiya Məktəbinin rektoru
1961 – 1970
Şəxsi məlumatlar
Doğum tarixi	17 sentyabr 1923(1923-09-17)
Doğum yeri	Əmircan, Bakı qəzası, Azərbaycan SSR, ZSFSR, SSRİ
Vəfat tarixi	2001
Vəfat yeri	Düsseldorf, Şimali Reyn-Vestfaliya, Almaniya Federativ Respublikası
Dəfn yeri	Şimal qəbiristanlığı (Düsseldorf)[d]
Partiya	Sovet İttifaqı Kommunist Partiyası
Atası	Piri Quliyev
Hərbi xidmət
Döyüşlər	Böyük Vətən müharibəsi
Təltifləri

Danil Piri oğlu Quliyev 1923-cü ildə Bakının Əmircan kəndində anadan olub.

1940-cı ildə Azərbaycan Dövlət Pedaqoji İnstitutuna daxil olub.

1941-ci ilin avqustunda sovet ordusu sıralarına çağırılıb. Bakı Hərbi Piyada Məktəbinə daxil olan Danil Quliyev hərbi texnikanın sirlərini mənimsəyib. Hərbi məktəbi bitirib leytenant rütbəsi ilə 416-cı diviziyanın tərkibində tankvuran taqımın komandiri kimi döyüşlərə başlayıb, 402-ci, 216-cı diviziyaların tərkibində 1946-cı ilə kimi ordu sıralarında olub.

O, "Qafqazın müdafiəsinə görə", "Böyük Vətən müharibəsində Almaniya üzərində qələbəyə görə" medalları, "Qırmızı Bayraq" ordeni və digər döyüş medalları ilə təltif olunub.