Sona Əhmədli

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Sona Əhmədli
Şəxsi məlumatlar
Tam adı Sona Yadulla qızı Əhmədli
Vətəndaşlığı Azərbaycan Azərbaycan
Doğum tarixi (35 yaş)
Doğum yeri Bakı,[1] Azərbaycan SSR
Boyu 165 sm. (5 ft 6 in)
İdman növü Güləş
Karyera illəri 2000—2012
Məşqçisi Arif Fərmanov
Komandası Atasport İdman Klubu
Medallar
Dünya Çempionatı
Gümüş 2009 Herninq 59 Kq.
Bürünc 2011 İstanbul 59 Kq.
Avropa Çempionatı
Qızıl 2010 Bakı 59 Kq.
Bürünc 2012 Belqrad 59 Kq.

Sona Əhmədli (5 oktyabr 1988, Bakı) — Azərbaycanı təmsil edən qadın güləşçi, 2010-cu il Avropa Çempionatının qalibi.[2]

Karyerası

2007-ci ildə Serbiyada yeniyetmələr arasında Avropa Çempionatını 5-ci pillədə, Çində yeniyetmələr arasında Dünya Çempionatını isə 10-cu pillədə başa vuran Sona Əhmədli, ilin əsas turniri hesab olunan Dünya Çempionatında 18-ci pillədə qərarlaşdı.[2]

2008-ci ildə Qızıl Qran-Pri beynəlxalq turnirində beşinci pillənin sahibi olan Sona Əhmədli, Koşitse şəhərində gənclər arasında Avropa Çempionatını gümüş medalla, İstanbul şəhərində gənclər arasında Dünya Çempionatını isə 8-ci pillədə başa vurdu.[2]

Daha sonra Sona Əhmədli 2009-cu ilin aprelində Vilnüs şəhərində (Litva) baş tutan Avropa Çempionatını 16-cı pillədə başa vurdu.[2] İyulda Qızıl Qran-Pri beynəlxalq turnirinin bürünc medalına sahib olan Sona Əhmədli, sentyabrda Herninq şəhərində baş tutan Dünya Çempionatında mübarizə apardı.[2] Turnirin 1/8 final mərhələsində Belarus nümayəndəsi Alyona Filipavaya 2:1, 1/4 final mərhələsində İtaliya nümayəndəsi Valentina Minguzziya 2:0, 1/2 final mərhələsində isə ABŞ nümayəndəsi Tatyana Suareza 2:0 hesabları ilə qalib gələn Sona Əhmədli, final görüşündə Yaponiya nümayəndəsi Saori Yoşidaya 0:2 hesabı ilə məğlub oldu və Dünya Çempionatının gümüş medalına sahib oldu.[2] Sona Əhmədli Dünya Çempionatının medalına sahib olan birinci azərbaycanlı qadın güləşçi oldu.[2]

2010-cu ilin aprelində isə Sona Əhmədli Avropa Çempionatında mübarizə apardı.[2] Turnirin 1/4 final mərhələsində Norveç nümayəndəsi Qudrun Hoyena, 1/2 final mərhələsində isə Fransa nümayəndəsi Məryəm Selluma qalib gələn Sona Əhmədli, final görüşündə Bolqarıstan nümayəndəsi Taybe Yuseyna qalib gəldi və Avropa Çempionatının qalibi oldu.[2] Bununla da Sona Əhmədli Avropa Çempionatlarının qalibi olan birinci azərbaycanlı qadın güləşçi oldu. Mövsüm ərzində Sona Əhmədli həm də Avstriyada Austrian Ladies Open və Azərbaycanda Qızıl Qran-Pri beynəlxalq turnirlərini beşinci pillələrdə başa vurdu.[2] Bir il sonra, 2011-ci ildə isə Sona Əhmədli İstanbul şəhərində Dünya Çempionatını bürünc medalla başa vurdu, Qızıl Qran-Pri beynəlxalq turnirinin isə qalibi oldu.[2]

2012-ci ildə Serbiyanın Belqrad şəhərində Avropa Çempionatının bürünc medalına sahib olan Sona Əhmədli həmin il dizindən ciddi zədə aldı və əməliyyat olundu.[2] Amma bu, fayda vermədi və tam tərsi, problemli dizinə su yığılmağa başladı.[2] Müayinədən sonra Sona Əhmədlinin əhəmiyyatının uğursuz olduğu müəyyən olundu.[2] Bundan sonra Sona Əhmədli 24 yaşında idmanla vidalaşmalı oldu.[2]

Nəticələri

Sıra
İl
Yarış
Ev sahibi
Nəticə
1
2007
 Gənclərin Avropa Çempionatı Serbiya Serbiya
5.
2
 Gənclərin Dünya Çempionatı Çin Çin
10.
3
 Dünya Çempionatı Azərbaycan Azərbaycan
18.
4
2008
 Qızıl Qran-Pri Azərbaycan Azərbaycan
5.
5
 Gənclərin Avropa Çempionatı Slovakiya Slovakiya
2.
6
 Gənclərin Dünya Çempionatı Türkiyə Türkiyə
8.
7
2009
 Avropa Çempionatı Litva Litva
16.
8
 Qızıl Qran-Pri Azərbaycan Azərbaycan
3.
9
 Dünya Çempionatı Danimarka Danimarka
2.
10
2010
 Avropa Çempionatı Azərbaycan Azərbaycan
1.
11
 Austrian Ladies Open Avstriya Avstriya
5.
12
 Qızıl Qran-Pri Azərbaycan Azərbaycan
5.
13
 Dünya Çempionatı Rusiya Rusiya
12.
14
2011
 Qızıl Qran-Pri Azərbaycan Azərbaycan
1.
15
 Dünya Çempionatı Türkiyə Türkiyə
3.
16
2012
 Avropa Çempionatı Serbiya Serbiya
3.

İstinadlar

  1. ↑ Azərbaycan Milli Kitabxanası. "Sona Əhmədli: "Avropada ən güclü özüməm"". www.anl.az ( (az.)). 22.08.2022. 2022-10-10 tarixində arxivləşdirilib. İstifadə tarixi: 22.08.2022.
  2. ↑ 1 2 3 4 5 6 7 8 9 10 11 12 13 14 15 International Wrestling Database. "SONA AHMADLI". www.iat.uni-leipzig.de (ingilis). 2022-08-04. 2022-08-04 tarixində arxivləşdirilib. İstifadə tarixi: 04.08.2022.
Mənbə — "https://az.wikipedia.org/w/index.php?title=Sona_Əhmədli&oldid=7413896"