Arəş

Arəş Ləbaf (23 aprel 1977[1], Tehran[2]) — Iran əsilli İsveç müğənnisi, bəstəkar, prodüser.

Arəş
fars. آرش لباف‎
Ümumi məlumatlar
Doğum tarixi 23 aprel 1977(1977-04-23)[1] (47 yaş)
Doğum yeri
Musiqiçi məlumatları
Fəaliyyəti müğənni, aktyor, musiqi prodüseri, səsyazma sənətçisi[d]
Fəaliyyət illəri 2003-cü ildən
Janrlar xalq musiqisi[d], pop musiqisi, hip-hop[d], müasir R&B[d]
Albom şirkətləri Warner Music Group[d]
Mükafatları Golden Gramophone Award
arash.com
arash.com
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Arəş Ləbafzadə 1977-ci ildə İranın paytaxtı Tehran şəhərində anadan olub. Babası Ərdəbildən olan azərbaycanlı idi.[3][4][5][6] Avroviziya Mahnı Müsabiqəsində çıxış edən ilk iranlı olduğu bildirilir.[7]

10 yaşına qədər Tehranda yaşayıb. Sonra ailəsi ilə birlikdə İsveçin Uppsala şəhərinə köçüb. Burada Arəş dostları ilə birlikdə yaşıdları üçün mahnılar oxumağa başlayır. Soyadını da elə o zaman dəyişib Ləbaf (isv. Labaf) edir. 5 il sonra isə Malmöyə köçür.

Arəşin əvvəllər BBC və Əl-Cəzirə telekanallarına verdiyi müsahibələrdə[8] anasının əfqan, atasının fars mənşəli olduğunu bildirdiyinə dair iddialar da mövcuddur.[9] Bu fikirlər GAMOH tərəfindən səsləndirilir.

35 yaşlı Arəş hazırda Dubay və Malmödə yaşayır. Bəstəkar, prodüser və müğənni kimi ixtisaslaşıb. Dayvinq, basketbolla maraqlanır, şlyapa kolleksiyası toplayır. 2004-cü il sentyabrın 22-də farscadan tərcümədə "Get-get" mənasını verən "Boro-boro" adlı ilk sinqlını çıxarıb. Sinql qısa müddət ərzində İsveçdə birinci yeri tutub. İsveç və hund filmlərinə sauntreklər yazir. 2005-ci ildə "Boro-boro" mahnısının hind versiyasını ("Bure-bure") Bollivudda çəkildiyi "Bluffmaster" (blef ustası) filmində ifa edib.

2005-ci ildə Arəşın öz adını daşıyan "Arash" albomu dünyanın məşhur musiqi kanalı MTV-də ən çox izlənən musiqilər sırasına daxil olub. Müğənninin elektronik musiqini, roku, hip-hopu və balladanı özündə cəmləşdirən "Dünya" (World) layihəsi ona bir az da çox uğur gətirib. Fransanın Kann şəhərində keçirilən festivalın qalibi olan Arəş həmin il Fransada düzənlənən "İnternational Music Market" müsabiqəsində də İsveçin ən yaxşı debütant musiqiçisi seçilib. 2005-ci ildə Moskva merinin ad gününə həsr olunmuş gecədə çıxış edir. 2006-cı ildə Rusiyada iki "Zolotoy qrammofon" mükafatını alan Arəş bu ölkədə ən məşhur xarici müğənnilərdən biri hesab edilir. İsveç, Avstriya, Almaniya, Polşa, Rusiya, Ukrayna, Türkiyə, Çexiya, İsrail, Tacikistan, Gürcüstan, Serbiya, Xorvatiya, Yunanıstan və Bolqarıstanda onun mahnıları "top" siyahılarında yer alır. Ümumilikdə 35 ölkənin musiqi kanallarında Arəşin mahnıları yayımlanır. 2006-da Arəş, DJ Alligator və Şahkar Bineşpacuh 2006 FİFA Dünya Kubokunda çıxış edən İran milli futbol komandasına "Iran, Iran" mahnısını həsr etdilər. DJ Alligator Arəşin 2006-da ifa edilən bir sıra mahnılarını da bəstələmişdir.

Arəş 2009 Avroviziya Mahnı Müsabiqəsində Aysel Teymurzadə və özünün ifa etdiyi "Always" mahnısının müəllifidir. Müsabiqədə Azərbaycan təmsilçiləri Norveç və İslandiyadan sonra 3-cü yeri tutmuşlar.

2011-ci ildə İran rejissoru Bahman Ghobadimin çəkdiyi "Rhino Season" (Kərgədan mövsümü) filmində Hollivud ulduzu Monika Belluççi ilə baş rolda çəkilmişdir.

2011-ci ilin mayında Arəş uzun müddət sevgilisi olan Behnaz Ənsari ilə ailə qurmuşdur. Toy mərasimi Dubayda keçmişdir. 2012-ci ildə cütlüyün əkiz uşaqları — oğlu Dorian və qızı Donya (Dünya?) dünyaya gəlir. [10][11]

Yaradıcılıq

[redaktə | mənbəni redaktə et]

Ən böyük konsertləri Almatı (Qazaxıstan) və Şetsin (Polşa) şəhərlərinin açıq stadionlarında baş tutub. Qapalı konsert salonlarından isə Moskvanın "Olimpiyski" idman kompleksində iki dəfə şou-proqramla çıxış edib. Bütün dünyada albomu böyük tirajla satılır.

Albomları

[redaktə | mənbəni redaktə et]

Sinql

[redaktə | mənbəni redaktə et]
  • "Vostoçniye skazki" (Blestyaşşiye ilə duet)
  • "Temptation" (Rebecca ilə duet)
  • "Yalla"
  • "Tike-tike kərdi", "Ey yar begu"
  • "Bombay Dreams"
  • "Mən o to"
  • "Bəskon"
  • "Music Is My Language"
  • "Salamati"
  • "Behnaz"
  • "Çori çori" (Aneela ilə duet)
  • "Boro boro" (2004)
  • "Arəş" (2005)
  • "She Makes Me Go" (feat. Sean Paul)
  • "One Day" (feat. Helena)
  • "Sex Love Rock n Roll (SLR)" (feat. T-Pain)
  • "OMG" (feat. Snoop Dogg)
  • "Se Fue" (feat. Mohombi)
  • "Esmet Chi Chie"
  • "Dooset Daram" (feat. Helena)
  • "Goalie Goalie" (feat. Nyusha & Pitbull & Blanco)

Filmoqrafiya

[redaktə | mənbəni redaktə et]

Filmlərə çəkilmiş və ya mahnılar (sauntrek) yazmışdır:

Əvvəlki:
Elnur & Samir 		Azərbaycan Avroviziya Mahnı Müsabiqəsində
(Aysel ilə)
2009 		Sonrakı:
Safura Əlizadə

İstinadlar

[redaktə | mənbəni redaktə et]
  1. ↑ 1 2 IMDb (ing.). 1990.
  2. ↑ 1 2 Deutsche Nationalbibliothek Record #135507251 // Ümumi tənzimləmə nəzarəti (GND) (alm.). 2012—2016.
  3. ↑ "Arəşlə müsahibə". 2009-02-28 tarixində arxivləşdirilib. İstifadə tarixi: 2009-02-09.
  4. ↑ "Arəş: "Azərbaycan əsilli olduğuma görə xoşbəxtəm..."". 2013-06-17 tarixində orijinalından arxivləşdirilib. İstifadə tarixi: 2009-02-09.
  5. ↑ "AySel&Arash bioqrafiya+müsahibə (rusca)". 2021-03-16 tarixində arxivləşdirilib. İstifadə tarixi: 2009-04-12.
  6. ↑ "Arəş milliyyəti və sevgisi haqda şayiələrdən danışdı". 2012-01-07 tarixində orijinalından arxivləşdirilib. İstifadə tarixi: 2009-05-20.
  7. ↑ "Arash.se News". 2021-02-12 tarixində arxivləşdirilib. İstifadə tarixi: 2009-05-26.
  8. ↑ "آرش خواننده ايرانی از سوئد". 2013-01-28 tarixində arxivləşdirilib. İstifadə tarixi: 2009-05-30.
  9. ↑ Arəşin Azərbaycan musiqisini ələ saldığı məlum oldu[ölü keçid]
  10. ↑ "APA – Arash presents $400-thousand necklace to his bride Behnaz at their wedding – PHOTOSESSION". Apa.az. 2012-07-18 tarixində arxivləşdirilib. İstifadə tarixi: 2012-01-14.
  11. ↑ "Arash married on May 28 in Dubai". Chuiko.com. 2011-03-16. 2011-12-25 tarixində arxivləşdirilib. İstifadə tarixi: 2012-01-14.

Xarici keçidlər

[redaktə | mənbəni redaktə et]