Azərbaycan Respublikası Ekologiya və Təbii Sərvətlər Nazirliyi

Azərbaycan Respublikası Ekologiya və Təbii Sərvətlər Nazirliyi — Azərbaycan Respublikasında nazirlik.

Ekologiya və Təbii Sərvətlər Nazirliyi
Azərbaycan Respublikası Ekologiya və Təbii Sərvətlər Nazirliyi
(ETSN)
Ümumi məlumatlar
Ölkə	Azərbaycan
Yurisdiksiya	Azərbaycan Respublikası
Yaradılma tarixi	23 may 2001
Tabelik	Azərbaycan Respublikası Prezidenti
Baş qərargah	Bakı, Azərbaycan
Ünvan	K.Kazımzadə küç. 100(A)
Rəhbərlik
Nazir	Muxtar Babayev
Birinci müavin	Rəşad İsmayılov
Müavinlər	Umayra Tağıyeva Rauf Hacıyev Vüqar Kərimov
Rəsmi saytı	eco.gov.az

Azərbaycan Respublikası ərazisində, o cümlədən Xəzər dənizinin (gölünün) Azərbaycan Respublikasına mənsub olan bölməsində ətraf mühitin qorunması, təbiətdən istifadənin təşkili, yeraltı sulardan, mineral xammal ehtiyatlarından və yerüstü təbii sərvətlərdən səmərəli istifadə edilməsi, onların bərpası, hidrometeoroloji proseslərin müşahidəsi və proqnozlaşdırılması sahəsində dövlət siyasətini həyata keçirən mərkəzi icra hakimiyyəti orqanıdır.

Azərbaycan Respublikasında həyata keçirilən struktur islahatları çərçivəsində, ətraf mühitin qorunması və təbii ehtiyatlardan istifadənin ayrı-ayrı aspektləri ilə məşğul olan və fəaliyyətlərində qismən biri-birini təkrarlayan Dövlət Ekologiya və Təbii Ehtiyatlardan İstifadəyə Nəzarət Komitəsi, "Azərmeşə" İstehsalat Birliyi, Geologiya Komitəsi, "Azərbalıq" Dövlət Konserni və Dövlət Hidrometeorologiya Komitəsi ləğv edilmiş və onların bazasında Azərbaycan Respublikası Prezidentinin 23 may 2001-ci il tarixli 485 saylı Fərmanı ilə Ekologiya və Təbii Sərvətlər Nazirliyi yaradılmışdır.

Ekologiya və Təbii Sərvətlər Nazirliyinin Əsasnaməsi Respublika Prezidentinin 18 sentyabr 2001-ci il tarixli 583 saylı Fərmanı ilə təsdiq edilmişdir.

1. Meşələrin İnkişafı Xidməti
2. Bioloji Müxtəlifliyin Qorunması Xidməti
3. Milli Hidrometeorologiya Xidməti
4. Dövlət Ekoloji Təhlükəsizlik Xidməti
5. Xəzər Kompleks Ekoloji Monitorinq İdarəsi
6. Dövlət Ekoloji Ekspertiza Agentliyi
7. Geoloji Kəşfiyyat Agentliyi
8. Dövlət Mineral Xammal Ehtiyatlarından İstifadə Agentliyi
9. "Azərbaycan Yaşıllaşdırma və Landşaft Quruluşu" Açıq Səhmdar Cəmiyyəti
10. Geodeziya və Kartoqrafiya Agentliyi
11. “Təhlükəli Tullantılar” MMC
12. "AzeLab" MMC
13. Nəqliyyat İdarəsi

• Xəzər dənizi
• Meşələr
• Biomüxtəliflik
• Hidrometeorologiya
• Geologiya