гл.; -да, -на; -из, -зава; -0 || -а, -ин, -рай, -мир; ахкъудун || акъуд хъувун, такъудун || акъуд авун, тахкьудун || -акъуд тахвун, акъуд хъийимир 1) ни вуж , вуч къен авай са шейинай къецихъ дуьздал авун. Сулейман, акъуд ви дафтар, Гьана кхьихь на гьа кафтӀар. С. С. Чинебан сир акъудда вин къецелди. С. С. Адаз къванер акъудун кьисмет хьанай. 3. Э. Камалани Теймура ракӀарлай чефте эляна, хушракандин, рукварай хьанвай Ариф къецихъ акъуд хъувуна. А. Сайд. «Чуьнуьх гумбатӀ». 2) ни вуч чап авун. Чир хьана заз анин жаваб: далбадал акъудин ктаб. С. С. Урус чӀалал рахаз тежез. Сулейман мукьувай чидайбуру, адахъ галаз гуьруьшмиш хьунин, адан хуш къилихар ва рикӀин михьивал акунин бахт кьисмет хьайибуру, адахъ галаз санал кӀвалахайбуру чпин рикӀел хкунар газетриз акъудна ва радиодай гана. Гь. А. Поэзиядин жавагьирар яратмишайди. Дарвилерни эхзава, рикӀин тӀаларни, амма халкь патал Бакуда лезги чӀалал газет акъудун акъвазарзавач. М. М. Дуьнья кӀвачел къарагъда. 3) ни вуч кечирмишун. МичӀи хьайила, абур йиф акъудиз акъвазна. Ф. Гьуьлуьн руш. Фана дуьньяда гъам чӀугваз йикъар-йифер гьикӀ акъудда? Е. Э. Дустариз. Уьмуьр бушдиз акъудзавай Дилбердин къадри вуч чир хьуй. С. С. Къадри вуч чир хьуй. Де хъша чахъ галаз, пакамалди чун алай чкадал йиф акъуд. А. Ф. Лянет. 4) ни вуч чукӀурун, ван-сес тун. Рекье гьатна чапарар, Акъудна еке хабарар. Е. Э. Наиб Гьасаназ. Чинебан сир акъудда ви къецелди, Нар. деве хьиз вич вичиз къизмиш жеди. С. С. За лугьун квез са папан агьвалат. 5) вуж квяй са куьн ятӀани таъсирдикай, кьурулушдикай хкудун. ЦӀинин йисуз зун дарвиляй акъудур. А. Ф. КьатӀ-кьатӀ авур зунжурар. Вун школадай гьеле садани акъуднавач. А. А. Умуд.... лезгийрин милли общественностдиз халкь четин гъалдай акъуддай рекьерикай бес кьадар дериндай хабар авач, адахъ илимдал бинеламишнавай гьакъакъи милли концепция авач. А. А. Лезги халкьдин концепция. 6) ни квяй са гъихьтин ятӀани къуллугъдикай азад авун. Магьсудов председателвиляй акъудна, адан чкадал мадни амалар чидай Алияракай председатель хьана. И. В. Къуьр алатна, сикӀ хьана. 7) ни вуч авун, арадиз гъун. Ни акъудна и женг тӀурфан... Къарагъна чи Табасаран, Им лап ажайиб женг хьана. С. С. Чи гьар са кар къешенг хьана. Исятда Салигьа акӀурай школадин багъда авай къелемди тӀур акъуднава. ЛХ, No 4, ч. 4. 8 ) са гьинихъ ятӀани гьерекат ийиз тун. МутӀалиб муалимди доскадал Дуьр акъудна. Гь. Къ. Четин бахт
* арадай ~, арадиз ~, багьна ~, гафарай тӀеквенар ~, гьекь(ер) ~, гьиляй ~, гьекь ~, дуьздал ~, гъил яхадай ~, кар ~, каф ~, къапарай (къапупай) ~, кьил ~, кьилиз ~, кьиляй ~, кӀевяй (кӀеверай) ~, перде ~, рекьяй [кьиляй] ~, рехъ ~, рекьяй ~, рикӀ ~, рикӀяй ~, тиф гиф цавуз ~, тум акъудда, тӀвар ~, уюн(ар) ~, цуьк -, чан ~, шулугъ ~, я пай ~.