прил. 1) маса. КӀанзава ваз: ацукь цуьквед тахтунал, Амай ничхиррин из дуван, бахтавар. Е. Э. Билбил.... Сулейман лезги халкьдин арада СтӀал Сулейман тӀвар алаз, урус литературада ва амай халкьарин арада Сулейман Стальский лугьуз машгьур я. М. М. Гь. ЧӀехи шаир.... къе Дагъустандин амай халкьарихъ галаз санал табасаран халкьдин культура ва литературани гужлудаказ вилик физва. ЛГ, 2001, 19. VӀӀ. Синонимар: гъейри, маса, чара. 2) харж тавунавай, къвезамай.
* амай-амачир прил. эхиримжи. - Вуч хьана лугьун, чан эмедин, дана рачуниз гваз фейи арада мейит хьайи сада дакӀардай кӀахар авай чуква чуьнуьхна, кӀвале амай-амачир ризкьи тир. ЛГ, 1997 26. XӀӀ. Амай- амачир кепекар кӀватӀна, шегьердиз хъфизвай гададив вахкана. Р.
* амай кьван гагь(да ) нар. яшамиш жезмай кьван вахтунда. Амай кьван гагъ адалат гвай Ягь-намус квай лезги алим, Етим Эмин - уьмуьрдин цӀай, Туш вун етим! туш вун етим! Муграгъ Салахъ. Етим туш вун.
* амай кьван посл, вич талукь тир гафунихъ галаз вахт къалурдай ибара. Вич амай кьван рикӀ жедайди саламат... Е. Э. Камаллу паб. Дуьнья адаз вич амай кьван сал жеди. Е. Э. Пис папаз. Вичин кардиз вич вафалу хьайиди, Бахтлу кас я гьа и дуьнья амай кьван. Ш. Т. Кьве устӀар.