сущ.; -ди, -да гъейрат, регъуьвал. Вичихъ намус, ар авачиз, Гъиле я пайгар авачиз, Пагьливан яз тӀвар авачиз, Телдин симел къугъваз кӀанда. С. С. Акьул жуваз аваз кӀанда. Жуван ар, айибни намус Тийижир авам хъсан туш. С. С. Михеннат. Гила кьванни чиниз регъуь Хьанани ваз ар, хва кьей кас. С. С. Хва кьей кас. Малар къвез кӀур гудай гьаят Хьана, абуруз ар амач хьи. С. С. Иеси кьей Урусият. Инсанрихъ галаз кар авайди туш, Гьаяни намус, ар авайди туш. X. Т. Гитлер вуж я. Шагъни Шалбуз кимин кьвед кьве мешреб хьиз -Дуьньядин ар хуьз, намус хуьз, эдеб хуьз -Ацукьнава кьула гъейри дагъларин: Акванни чеб ийида хупӀ ажебдиз! И. Гь. Синонимар: айиб, гъейрат, регъуьвал, намус, ягь, эдеб.
* ар-айиб сущ.; регъуьвал. Адаз ар-айиб чидайди туш. Им вуж хьурай? Р.