фарс, туьрк, сущ.; -ди, -да; -ар, -ари, -ара кьетӀен шартӀаралди ргай дуьгуьдик, чӀахарик ягълу, як, хурма кутуна гьазурай хуьрек. Дустариз на аш ганава. Е. Э. КӀани ярдиз. Гьар хемисдиз кӀан жеди аш, Киткид адан руфуник каш... С. С. Инсафсуз къавум. Аш недай устӀар я Тамам, Ийиз гьерекат и фекьи. С. С. Эгьли Гьидаят я фекьи. Гзаф нез хьайила, ашни цуру яз аквада. А. А. Къубудиз яд къвезва. Хъел кваз къецел экъечӀна, Гьарай гана ашпаздиз: - Вуна авур ашдивай ЗатӀни хьанач а касдиз. 3. Р., Б. С. Шарвили. Мейланан мехъерик фейи Сейфуллагьдиз, амайбурухъ галаз санал, чӀахарин аш гъанай. С. Муслимов. ЦицӀигъ-наме. Синоним: плов || пилав рах.
* аш акурла галтугдайди, хаш акурла катдайди мисал тӀуьн патал дин маса гудайди, тӀуьнал гзаф рикӀ алайди.
* аш авун гл., аш гьазурун. Вун аш ийиз гатӀуналди, Мухакай дуьгуь жедайд туш. С. С. Ахмакьвал пис четин тӀал я.
* ашдин кьил сущ.; аш хуьрек нез къапуниз акъудайла адан винелай вегьедай ширинлухар. И вахтунда ашпазри Суфра вилик экӀяна. Агъуяр квай ашдин кьил Игътиятдив ахъайна. 3. Р., Б. С. Шарвили. Синоним: къара. * дуьгуьдин ~, чӀахарин ~.