фарс
* барбатӀ авун гл.; къайдадикай хкудун, чӀурун, телеф авун. Вахь галаз на чунни барбатӀ Авун вуч кӀвалах я, Къафкъаз? С. С. Къафкъаз. Синоним: барбатӀун.
* барбатӀ хьун гл.; чукӀун, тармар хьун, амачир гьалдиз атун. БарбатӀ хъай шумуд килиса, Заз Латни Манат акуна. С. С. Москов вилаят акуна. БарбатӀ хьайи и гъалар акуна Югъ-къавай барбатӀ я, КьепӀир. М. А. КьепӀир. Фикирна за: барбатӀ хьана гила вири умудар... Ш. Къ. Фикирна за...
* барбатӀ хьуй ! межд. " пуч хьуй", "амачир гьалдиз атуй" манадин мягькем ибара. Ви кӀвал-югъ барбатӀ хьуй, яллагъ. Е. Э. Къедекни пер чуьнуьхайдаз.