туьрк нянин.
* геже-гуьндуьз туьрк, т-б, шиир, нар.; йифди-югъди, датӀана. Геже-гуьндуьз заз, Етимдиз, Вун къакъатиз кичӀезва. Е. Э. Гуьзел Тамум. Гьая тийижир паб са касдиз хьайитӀа, Гежегуьндуьз адан агьузар жеди. Е. Э. Гьая тийижир паб. Эй инсанар, ая фикир, Геже-гуьндуьз худа зикир... X. Къ. Дуьньядиз.
* геже гьатун гл., вуж санай масаниз фидай, хъфидай вахт нянрихъ элкъуьн.
* геже хийир(ар) < хьуй > ! межд. нянихъ, йифиз, сад-садавай къакъатдайла, лугьудай гафарин ибара. "Геже хийир" лагьана, кьуна гъилер, Къурбан къарагъна кӀвалелди хъфена. А. Ф. КьатӀ-кьатӀ авур зунжурар. \[ЦӀаху\]. Гежехийир хьуй! ( хъфида ). Гь. Гь. Колхоз.... Дустар, геже хийирар квез! Рекьевайбур, квез хуш сефер!.. А. Къ. Пагь, Миграгърин гатун йифер... \[Гуьлханум\]. Сагърай, чамма. Хъша Розалия. Геже хийирар хьурай. Н. И. Гьакимрин папар.