сущ.; -тре, -тре, -тер, -тери, -тера 1) цавуя арщда мичӀи йифиз экв гузвайбурукай сад. Заз вун чизвач, вуч ятӀа, лагь вуна якъин... Зуьгъре яни, ам. варз яни, ам гъед яни якъин... Е. Э. Алагуьзлидиз. Вили цавун бушлухра Акъвазнавай гьетери, Югъ жердавай атӀуз ара, Зайифариз нур эквери. А. Ф. Зарбачи Гьасан. Дуьньяда экв мадни гзаф хьун патал ЦӀийи гъетер куькӀуьрзава цавара. А. С. Эхь, зав дамах гва. Ахпа цава гьетери РекӀврекӀвар гуз акъвазна. И. Асл. Зи рагъ гила хъфизва. Цаварилай гъед шутхунна, - Заз шад хьана, вун атай хьиз, Суварилай кьвед къудгъунна, -Заз акӀ хьана, вун атай хьиз... А. Къ. Муьгьуьббат. 2) пешекарвиляй вичин алакьунралди виридаз чешнелуди. Неинки са Тамилади, адахъ галаз сегьнедиз экъечӀна манияр тамамрай Хаметова Адилядини, Теллидини, Ирададини, Тазагуьл Мегьамедовадини чахъ цӀийи, жанлу, михьи сесер - сегьнедин гъакьикъи гъетер авайди къалурзава. М. Ж. Тамила Хидировадин концерт.
* гьетрен \[матӀан\] цуьк сущ. куьлуь-куьлуь хъипи цуьвер жедай дарманар, атирар хкуддай набатат.