урус, сущ.; -ди, -да; -ар, -ри, -ра 1) вуз, техникум, колледж акьалтӀарайла гудай документ. 2) са вуч ятӀани гьакъикъат ам кьилиз акъудайдан агалкьун тирди къалурдай документ. Вуна азарлуяр кьабулзавай кӀвале за эцигнавай кьван дипломриз, сертификатриз ва лицензиядиз фикир гана жеди. Ж. Гь. "Магистрдин гъед" Бажи. Мадни гаф атай чкадал лугьун, гзаф йисаралди "Лезги газет", "Самур" журнал гьич хизанда садан вилеризни таквазвай инсанривай... абурун арада са гзафбуруз высший образованидин, гьатта лезги чӀалан пешекарвилинни дипломар ава - и ксаривай чи культурадиз вуч къимет гуз, шаирдиз, художникдиз гьихьтин гьуьрмет ийиз жеда?! Гь. Гьемзетов. Абдулбари Магьмудовакай гаф.
* дипломдин кӀвалах урус [ дипломная работа ], сущ. вуз куьтягьдайла тамамардай илимдин кӀвалах. А чӀавуз ада "Дагъустандин ятарин радиоактивность" темадай дипломдин кӀвалах кхьена. М. Ж. Цава кьуна кӀаниди...