араб, сущ.; -ди, -да; -ар, -ри, -ра са кар ийидайла, мукъаятвал, секинвал хуьз алахъдай гьисс. Игьтиятни кичӀевал викӀегьдакай ажузди ийидай устӀарар я. 3. Р. Веси. - Гила зун хъфида, тха, - лагьана за кофе хъвайидалай гуьгъуьниз, ва игьтият патал алава хъувуна: вуна ихтияр гайитӀа.... А. Къ. Чеченрин межлис.
* игьтият хуьн гл. ни пис нетижа авай дуьшуьш татун патал са гьихьтин ятӀани гьерекатар, кӀвалахар авун. КӀири Бубад веси я: хуьх игьтият Жуван кӀвале текьин патал чинеба, Хаинрал гьич ийиз тахьуй ихтибар! А. С. Веси. И кар кӀевелай аннамишай шаирдини вичин игьтият хвена: «Тнрвал, керчек лугьуз тадач шиирра гьич масакӀа жедач», - лугьузва Сулеймана. А. Гьажимурадов. ЧӀехи шаир.