прил. игьтият авай. Игьтиятлу бадеди мад сеферда гьарайна: - Ката, кьейди! КукӀварда вун! А. Къ. ЧӀарав.
* игьтиятлу хьун гл, вуж игьтиятдин гьисс хуьн. Чигалини игьтиятлу хьана. Мад гьарай-эвер акъат тавун патал ада вичин кӀвачера звер туна. Б. Гь. Заз эвера, Асеф Мегъман, аси жемир, вуна тахсир кутазва ник, Игьтиятлу хьухь, тахьайтӀа жув сабурдай авудда на. Ас. М. Гъезелар. - А чарара вуч кхьизвайтӀа, ви рикӀел аламани? – хабар кьуна за. Ам игьтиятлу жедатӀа, лагьана фикирна за, - хьанач. Н. М. Къизилдин хтар.