араб, сущ.; -ди, -да; -ар, -ри, -ра. экв, нур. ЧукӀурна ишигъ гьар патаз Чуьллер авуна нурламиш. А. Ф. Эм-Тэ-Эс. КӀваляй экъечӀай жандармди, лампадин ишигъдал Нажмудинан паспорт тупӀалай авуна, су ал вугана... А. А. Ирид цаварик Самурдин ван. Вацран ишигъдал рушан вилери, чигедин стӀал ацукьнавай чӀулав пӀинийри хьиз, цӀирцӀир гузвай. Я. Я. Агалай сандух. АцӀай вацран нек хьтин ишигъди кьунвай куьчедай кӀвализ хквезвай Гьамидан вилерикай Гъалиб душманри ягъай агьвалатар карагзавай. А. А. Пад хьайи рагъ..
* ишигъ гун гл., куь низ-квез нурлу авун. Пакаман ракъинин къизилдин нурарик гуьзгуьди хьиз ишигъ гузвай адан ракӀарай яргъи къезил плащ алай Мерзият экъечӀна. Гь. М. Чи бахт чи гъиле ава. Цавай вацра серинвал квай ишигъ гузвай. А. А. Пад хьайи рагъ.