урус, сущ.; -ди, -да; -яр, -йри, -йра тӀебиатдин гьар са терефдиз, дуланажагъдиз килигунин ва абурухъ галаз алакъалу хьунин тегьер. Лезги Ашукьри музыкадин культура вилик тухуз хьана. А. А. СтӀал Сулейман. Азербайжанда яшамиш жезвай лезги халкьдин тарихдикай, адан культурадикай, яшайишдикай икьван чӀавалди я са макъала, я са передача, я са илимдин ахтармишун авач. М. М. Виш йисарин имтигъан. Лезги халкьдихъ агъзур йисарин тарих ава. Зегьметчи къатара милли культурадин цӀирер битмиш жезвай, къе абурукай са чи халкьдиз хас тир къиметлу культура хьанва. К. М. Лезги эдебиятдин гуьзгуь. Синоним: меденият.