|| КУЬЧУН гл., ни вуж-вуч; -да, -на; -из, -зава; -а || -ая, -ин, -рай, -мир; куьчар авун || куьч. авун, куьчар тавун || куьч. тавун, куьчар тахвун || куьч. тахвун, куьчар хъийимир || куьч. хъийимир санай масаниз ракъурун, акъудун. Ингье и четин шартӀар гьисаба кьуналди, колхозчийри чеб дуьзен райондиз куьчарун гъукуматдивай тӀалабна. Гь. М. Чи бахт чи гъиле ава. Лезги хуьрер Хачмаз райондани тӀамил хьанва. Лезгияр ассимиляция авун патал абурун хуьрериз туьрквер ва маса миллетар куьчарзава. М. М. Лезги тӀвар алатӀа... Тимурленга 10 агъзур лезги Юкьван Азиядиз ва Афгъанистандиз куьчарнай. М. Меликмамедов. Лезги тӀвар алатӀа. Чи республикадин, юлдашар, са бязи дар шартӀара авай хуьрер арандиз куьчарзава. Гь. Къ. Четин бахт.