сущ.; -у, -а; -ар, -ари, -ара дарамтда чилин кьаншарда авай пад. # кӀвалин ~, дехмедин ~, складдин ~, цурин ~; ~ал акьахун, ~ал ацукьун, -алай эвичӀун; ~ун чӀере, ~ун чӀул; ~уз кул гун, ~алай жив вегьин.... ам къавун чӀерейрал къекъведай, кац хьиз... А. Ф. Риза. Алахьай са югъ тир. Жаферан къаварал кӀапӀалкӀапӀал итимри, аялри, кӀвачер кучудна рухварал ацукьна, ашар незвай. А. Ф. Бубадин веси. Дадашан гьалар лап чӀур хьана, садлагъана вилер лацу хьана, къавуз яна. Сакъве сятдин къене ам куьтягь хьана. А. Ф. Бубадин веси. Къав кӀевириз, шифер ягъиз, Папар жезва кӀвал сувагъиз, Залан кӀвалах уртах шиз, Ажеб регьятвилер жеда. С. Лезги мехъер. - Са кьариди вичин къавал къуьл экӀанавай. Къ. М. Дуствилин цӀай. - Захъ гъуьлуьз фидай мажал авани, чан вах? Инал къав гьалдай тевле алама, куьра хадай кал ава, анал кьуьртӀуь верчериз какаяр кутуна кӀанзава... Муслимов. ЦицӀигъ-наме. * вилер къава акӀун, къуншидин къавалай верч фийидини хьиз тахьун, сивин къав
* къав вегьин гл., ни 1) къавал алай жив вегьин. 2) нугь. кӀвалел къав эцигун. Ада гьаятда жегьилрихъ галаз хипериз эцигзавай цӀийи цурал къав вегьезвай. ЛГ, 2003, 16.Ӏ.
* къавал пехъ ацукьун гл., рах., нин кӀвал кас амачир гьалдиз атун. Ислягьвал хьуй квез, балаяр, Бахтлу хьуй куь яргъал рехъ. Чилел чуьруьк - им бела я, Ацукь тавуй къавал пехъ. Ф. Н. Марфар къвада.
* къавалай [цаварай] рахун гл., вуж гъавурда авачиз рахун. Жегьилвили, рахайтӀани къавалай, Рум къачуда кьуьзуьвилин капалай. Ф. Н. Спелриз.