гл., да, -на; -из, -зва; -а, -ин, -рай, -мир; къалур авун, къалур тавун, къалур тахвун, къалур хъийимир 1) ни-куь низ вуж-вуч аквадайвал авун. Куьн къеневаз акьала рак, Къалурмир гьич кӀвал, фекьияр. С. С. Фекьийриз. Квез атӀабур аквазван? - Селима тӀуб туькӀуьрна колхоздин фермадиз электричество тухузвай симер къалурна, - абурукай чна ток ишлемишда. А. Р. Чинебан савкьват. Къалажугъдин кьуьзуьбурухъ галаз суьгьбет авурла, абуру заз кьве километрдин мензилда авай там къалурна. М. М. Лезги тӀвар алатӀа. ГъвечӀи хци кӀирер къалуриз, сив акьализ ахъай хъийиз, ада къаншардиз тади квай камар къачуна. А. Исм. Эхиримжи къув. 2) ни вуч малумарун, чирун. А шиирра чи ислягъ уьмуьр, чи инсанрин кьегьалвилин зегьмет, абурун гьунарлувилин ва уьтквемвилин лишанар ачухдиз, инанмиш жедай гьалда къалурнава. А. С. Жегьил шаиррин яратмишунин бязи месэлайрикай. ЧӀал чӀалан устадрин яратмишунрин бажарагъ къалурзавай паспорт я. Самур, 2002, No 23. Тарихда а халкьдин марифат, намус, къанажагъ, адетар, къилихар, ацукьун-къарагъун несилрилай несилралди амукьда. Ибур вири къалурдайбурни чӀални эдебият я. Ж. Лезги эдебиятдин гуьзгуь. 3) са гьи рекьяй ятӀани алакьунар авайди чирун. Вечрен туьд атРуз хьайи туш завай, Амма женгина жув къалурна за. Б. С. Гьисс. 4) ни низ вуч тайинарун, - Им планда къалурнавайдалай хейлин гзаф я. 3. Э. Кьве фронтдин командир. Ваалейкум салам! Буюр ша ацукь! - Гьажирамазана вини магъледа авай шкьакь туьквенчидиз чка къалурна. А. И. Самур. ЧайтӀуьн гана, чими чка къалурна. Т. А. Мехъер куьтягь тахьанмаз. Муькуь патахъай килигайтӀа, сад лагьай макъалада чна къалурайвал, 20 йисан къене агъзурралди лезгийри чпин паспортра маса миллетрин тӀвар кхьена. М. М. Чун гъвечӀи халкь туш. СтӀал Сулейман чӀехи ва халисан шаир тирди къалурзавай и макъала ихьтин гафаралди куьтягь жезва. Гь. Гьашаров. Хайи халкьдин рекье чан гайиди. 5) дуьздал акъудун. Лукьман хтана. Адан чини касдик фикир квайди къалурзавай. 3. Э. Рамзият. - Ида залумрин зулум, кьегьалрин къучагъвал тамамвилелди къалурзава. 3. Э. Скульптор. Кардал рикӀ алай ада и везифадални вичин активвал къалурзавай. 3. Э. Кек галкӀизва. Им шумуд йис къвез алатна, кӀвалахдикай азад вахтунда вил галаз багъри ватандин деретепедиз жуван къарувал, истеклувал къалуриз хьанач. Т. А. Мехъер куьтягь тахьанмаз. Анжах адет хьанвай къанунралди яшамиш жедайвал авуни, Инкъилабдин къазанмишунриз гужуналди вафалувал къалурун истемишуни инсан бажагьат тухарда. Т. А. Мехъер куьтягь тахьанмаз.
* меслят къалурун, рехъ къалурун.
* къалурун патал нар. са кардин шагьидвал авун мурад яз. Шад тирди къалурун патал гъер тукӀуна тӀуьн гана. Р.