прил. 1) гзаф къайи. Мекьи аяз акъатна. Цава живедин цӀверекӀар къугъвана. З. Э. Муькъвел гелер. 2) чимивал авачир, чимивал хуьн тийизвай. Гьа икӀ пара гишин, мекьи йисар алатна, тум-кьил авачир кьван зегьметар чӀугуна. А. Ф. Риза
* мекьидан гъил гишиндан кьулак хьун гл. кьве кесиб санал хьун; парталар авачиз мекьила авайдини фу авачиз гишила авайди санал хьун.
* мекьи кьуьдни кьий, кьуьзуь гьуьлни мисал 'я кьуьд, я кьуьзуь гъуьл дишегьлидиз хуш туш' манадин мисал. Са сеферда папа, кьасухдай хьиз, санал месик къаткайла, лагьана: - Мекьи кьуьдни кьий, лугьуда папари, кьуьзуь гьуьлни. Садани чими ийидач. А. А. Лезгияр.
* мекьи хьун 1) къаяр акъатун, мекьер алукьун. Зулун вахт тир. Гьаваярни мекьи жезвай. С. Ярагъви ашукь Уьзден. 2) инсандин жендек къун. \[Мегьамедбег\]. Хутах аял муькуь кӀвализ, мекьи тахьурай. Садав жерягъдиз эвериз тур. Ж. Эфендиев. Азадвилин рекье. 3) мекьивиликди азарлу хьун.