туьрк, сущ.; - ди, -да; -ра, -ри, -ра. 1) кӀелзавай чкада чирвилер гузвайди, тарсар гудайди. Лап къадир чира жимдин, Зирек тир гьалар я рушар. Тарсар гудай муаллимдин рикӀин хиялар я рушар. С. С. Рушарю. Абурухъ, археологрихь, галаз санал хьайи чи историядин муаллимди чаз суьгьбетна. Б. Гъ. "ТӀварун стха. Тарсариз хъфей сад лагьай сентябрдиз. Гуьлмегъамед муаллимди вири аялривай ктабар, дафтарар хьанвани-хьанвачни чирзавай. С. М. ЦицӀигъ-наме. Гьа икӀ, атазакваз, хайи чӀалар. терг жезва, рекьизва, Ихьтин татугай гьал арадал атунай нивай хабар кьада: тарс гузвай муаллимдивай, чӀал ахтармишзавай алимдивай ва я политикдивай? Х. Ш. Дидед чӀал чируниз артух фикир. 2) куьч устад, са кар дериндай чидай ва ам масадаз чирай кас. Шаирвилин гваз илим, КӀел тавуна, вич тир алим, Несят гур вич тир муаллим, Гафарин шуьрбет, юлдашар. М. Къ. Шаир. 3) куьч жувалай чӀехидаз гьуьрмет къалурун патал хас тӀварцӀихъ галаз санал ишлемишдай гаф. Синоним: учитель.