сущ.; - ди, -да; -ар, -ри, -ра гъавурда акьан тийидайвал пӀузаррикай лугьузвай са гьихьтин ятӀани сесер.
* мурмур(ар) авун гл., ни гъавурда акьан тийидайвал пӀузаррикай яцӀу сесиналди рахунар авун. Вердиди мурмур авуна. Ада вуч лагьанатӀа, Асаназ ван хьанач. З. Э. Муькъвел гелер.. Фекьиди ийизва мурмур: - Гъуцар рикӀел гъваш. Амма лукӀ жедац туш Марин - Муьгьуьббатдин сим. А. С. Саяда лугьузва мани. Угь ацалтна мурмурар Авурдалай гуьгъуьниз, Папахъ галаз рахана... Ш. Т. А зарафат амай туш.... адаз, гъилерни сверен пацар хьиз хкажна кьуна, мурмурар ийиз вичел тепилмиш жезвай Велимет акуна. В. М. Гьарасатдин майдандал. Синонимар: лугьун, рахун, луькӀуьнун, гьургъур(ар) авун, кьуркьур(ар) авун. лукь-лукь(ар) авун.