|| ПАТАЛДИ посл. 1) асул падежда авай существительнидихъ галаз алакъада авайла, 'са вуч ятӀани хьун мурад аваз' мана гуда. Валчагъ патал са 4-5 юкӀ тамам я. Е. Э. Яру, цӀару гуьллуь чит. \[Къурбан\]. - Мад вучда, хьуй ман. Гила са виш манат паталди Келбихана ракъурай илчияр гьакӀ дугур хъийич хьи. Гь. Гь. Адетдин къармахра. Бязибуру тупӀалай ийизва накьвар, Якъин ери ахтармишун паталди. А. Ал. Накьвар ва къара пулар. 2) ихтилат, суьгьбет вичин вилик квай существительнидиз талукь тирди къалурдай гаф. Маса пачагь хъжеда вал расалмиш, Халкь паталди хъсан пачагь авайд туш. А. С. Вилик жерге. Лезги итимар са-садахъ галаз гьикӀ гуьруьшмиш жезватӀа фикир ганани куьне? Са-садан сивиз темен гуда са бязи ксари, Лезгияр патал гьич ухшар аквазвач заз и крар. "Самур" газ., 2002, 21 XӀ. Патал послелогди субъектдихъ галаз авай гьерекат са нин ятӀани хийирдиз ва я зияндиз куьтягь хьанвайди малумарда. "Самур" газ., 2002, 28. ХӀ. Патал ва паталди послелогар тӀварарикай хьанвайбур я. Амма патал талукьвилин падеждихь, паталди лагьайтӀа асул падеждихъ галаз ишлемишда. "Самур" газ., 2002, 28. XӀӀ. Синонимар; паталай, пататахъай.