урус, прил. ички гзаф хьуникди кефли: ички гзаф хьуникди вичивай вич бегьем идара тежезвай. 2- ноябрдиз Махачкъаладай Каспийскдиз физвай рекье меркезвиди гьалзавай ВАЗ-21099 автомашиндик Махачкъалада Мурсалован куьчеда яшамиш жезвай агьали акатна, кьена. Шофѐр пиян тушир. ЛГ, 2003, 6. ХӀ. Аламаз чехир хъвайиди кьведра пиян жеда. Мисал. \[Шабан\]. Пиян кицӀеривай кӀвачел акъвазиз жезвачир!... Садикьбегдикни Абидбегдик эсиллагь гьал кумачир. Ж. Эфендиев. Азадвилин рекье. Мус хъфейтӀани, туьквендин кьулухъ, контордин вилик са къатдин итимар, жегьилар кӀватӀал-кӀватӀал жеда. Чебни пиянбур. Валлагь, къе чӀур жезва чи инсанар. Н. И. Гьакимрин папар.
* пиян авун гл., ни-куь, вуж пиян гьалдиз атун. - Ваз зун гьикьван шад ятӀа чир хьана кӀандай! Къе зун бахтуни пиян авунва. Чир жезвани? А. М. Мурк ракъини цӀурурда.
* пиян хьун гл., вуж ички гзаф хьуникди пиян гьалдиз атун. - Ахпа пиян жез тахьуй гьа, халу, лагьана буфетчикди. - Вуна хъванваз аквазва. М. С. Дуст. Диде, заз дикъетдив килигмир: Ви хва къе сифте яз пиян я. М. Б.