урус, сущ.; -ди -да; -ар, -ри, -ра гъиле гьукум, ихтияр авай касди, идаради са нив ятӀани тайин кар, гьерекат кьилиз акъудиз тадай гафар, теклиф. # ~ гун, ~ тамамарун, -да къейд авун, -далди тайинарун. Им икӀа, адалай гъейри округдай приказ атанва, вун гьаниз фена кӀанда. З. Э. Муькъвел гелер. - Заз зи вилералди акуна эхир, я итим, приказарни, къарарарни. Мегер ахьтин ксари тапарардани? М. Садикь. Дуст. Синонимар: буйругъ, эмир.
* приказ гун \[акъудун\] гл., ни приказ кьилиз акъуддай къарар акъудун.... сифте ришвет гана, совхоздин директорди приказ акъуддалди чилер кьунвайбурни гзаф ава. Я. Я. Са фурун вакӀар. - Приказ ганачтӀани, са йисни зуран вахтунда а чна кьунвай чил секиндиз ишлемишнай. Я. Я. Са фурун вакӀар. ЧӀехидан кефиниз кӀан хьайитӀа, муьхцуьз куь аялар ахъайда, кефиниз такӀан хьайитӀа, гана приказ, илигна чукурда. Б. Ф. Филиал.