☼ Гуьлгери къуьл хъсандиз чуьхуьда ва суфрадик кутуна, яд илична къулан патав тада, цӀир авурла къуьл синида экӀягъда. ЦӀирер хкаж хьайила ( къуьлуьн кӀан хъипи хьана кӀанзавач. КтӀай къуьл акахьайтӀа семена туькьуьл жеда ) суьзекда чуьхуьда ва яд куьзна машинда регъведа. Къажгъандиз вегьена гъуьр хъсандиз какадарда. КӀвалакӀар тахьуй лугьуз, ам гъиливди гьялда. Тугъагъа хьиз, звал акьалтдалди, тӀимил цӀал чрада. Хъсандиз чрай семенадин ранг экуьди жеда: я хъипиди жедач, яни туракьди. "Самур" газ., 2005, 25.ӀӀ.