сущ.; -или, -иле; -илер, -илери, -илера чими чкада, чими вахтунда инсандин бедендиз хуш жедай къайивал квай гьал. Михьи цавал гъетери рапӀрапӀар гузва, гар квач, амма чун акъвазнавай еке багъда серинвал, цуькверин, векьерин, Уьмуьр ргазвай чилин атир къекъвезва... Къ. М. Дуствилин цӀай. Тамун серинвал мадни къалин хьайила, Абасан къаншарда, кьакьан пипин тарарин арада инсандин буйдилайни кьакьанвал авай са къван пайда хьана. М. В. Гьарасатдин майдандал. Масада гъана гайи цихъ вири жеда: серинвал, гьуьрмет, инсандиз вун кӀан хьунухь... З. Гь. Залан кар.