сущ.; - ди, - да; - яр, - йри, - йра 1) са руфунал хьанвай аялриз эркек аялдин мукьвавал къалурдай гаф. Мелик стха гьана амукьрай, Эмин, ви дустар Гьинава? Е. Э. Дуьньядиз. И зегьметдин къене кьве стхади варзни зуралай виниз кӀвалахна. А. Ф. Бубадин веси. Куь дахни, зунни инлай фейи ЦӀарудин стха Саруни санал цанар цазвай трактористар тир. Б. Гь. Заз эвера. 2) обр. нихъ галаз рахазватӀа, гьадан тӀварцӀин чкадал ишлемишдай гаф. Фагьум ая, стха, вунни хьухь устӀар... Е. Э. Дуьнья гургьагур. – КапӀ ийидай вахтни мукьвал жезва. Дадаш стха, ви мурад-метлеб вуч ятӀа лагь, чунни хьфин. А. Ф. Бубадин веси. - Ваъ, я стха, валлагь, за ам, ахьтин кар аваз хьана хьайитӀа, чӀарчӀелай дагурда. А. Ф. Газет. - Я стхаяр, лагьанай мад Дадаша, квез гьикӀ меслят аквазва, ахьтин еке весияр завай лугьуз жедач, зун кесиб туштӀани, девлетлуни туш. А. Ф. Бубадин веси. 3) хас тӀварцӀин гуьгъуьналлаз ишлемишдайла, рахазвайдан патай адаз ийизвай гьуьрмет къалурда. Эфенди стхадихъ галаз ихтилат, суьгьбет авурла, ам фашалвал рикӀи кьабул тийидай кас тирдини чир хьана. ЛГ, 2003, 13. ХӀ. * гъвечӀи стха, кьула'н стха, тахай стха, тӀварун стха, чӀехи стха, яран стха.
* стха пай авун (паюн) гл., ни вуч сад хьиз паюн. Гьебеда амай кӀус-тике акъудна, абуру стха пай авуна, тӀуьна. З. Э. Кек галкӀизва. Зегьмет чӀугуна арадал жезвай бегьерни стха пайзавай. ЛГ, 1992, 25. Ӏ V.