сущ.; -ди, -да; -ар, -ри. -ра къанундин вилик тахсиркар инсан жаза яз ватандай акъуднавай яргъал чка. ЧӀал авай халкь суьргуьндани куьлягь жеч, Куьз лагьайтӀа чӀал куьлег я Ватандин. А. С. Хцихъ галаз ихтилат. Усман Сулеймановни, Садих Иркутский хьиз, Сибирдиз суьргуьндиз акъуднавай. ЛГ, 2003, 25. ХӀӀ.
* суьргуьн авун гл., ни. вуж жаза яз хайи чкадай яргъа л чкадиз акъудун. Йирчи Къазакь, кӀвачерал къандалар алаз, Сибирдиз суьргуьн авуна. Ф. Асланова. Ханбиче Хаметовадин драматургиядикай. Синоним: суьргуьндиз акъудун.
* суьргуьн чӀугун гл., ни жаза яз хайи чкадивай яргъал чкада яшамиш хьун. Буба цӀуд йисуз суьргуьн чӀугуна хтай юкъуз кечмиш хьана. А. А. Лезгияр.
* суьргуьндиз акъудун гл., вуж жаза яз хайи чкадивай яргъал чкадиз ракъурун. Девлетлуяр, кулакар лагьана, колхоздиз аксибурай гьисабна, Гьажи-Эфендидин бунтара иштаракна лугьуз буьгьтенар вегьена, ЦицӀигъай Къиргъизстандиз хизанарни галаз Абдурагъманан хва Рамалданов Сейфуллагь ва Сагъидан хва Рамалданов Абдуллагь суьргуьндиз акъудна. С. Муслимов. ЦицӀигъ-наме. Синоним: суьргуьн авун.