прил. къуват авачир, такьат амачир. Гъиле мал, такьат, куьмек авайбурун никӀер авадан я, кукрух хьана кьил, Такьатсуз даим, завал галайбурун АтӀанва чпин зегьметдихъай вил. А. Ф. КьатӀ-кьатӀ авур зунжурар. Синонимар: къуватсуз, зайиф. Антонимар: гужлу, къуватлу. такьатлу.
* такьатсуз авун гл., ни-куь вуж-вуч такьат амачир, авачир гьалдиз гъун. Синонимар: къуватсуз авун, зайифарун. Антонимар: гужлу авун, такьатлу авун, къуватлу авун.
* такьатсуз хьун гл., вулс такьат амачир гьалдиз атун. Гьич са чӀавузни ажузвал тийидай Надежда Михайловна тек са и кӀул экъисай кьери рацӀамрин кӀаник квай чухуррай рагъул вилер килигзавай касдин вилик, дергесди ягъай векь хьиз, такьатсуз жедай. А. А. Умуд. ЧӀехи жезвай, вични чӀехи бубадихъ акьван рикӀ кайи адетриз вафалувалзавай ( месела, сурарал фенмазди, дуьа кӀелзава ) акьуллу бала, вил пата авачир, хайи веледни такьатсуз хьанвай гъуьлуьн буба патал яшамиш хьайи Сувар акур Тагьирбеган намус авагъзава. А. Фет. Проза жанлуди хьайила. Немсерин истребителар авачир. Чилелай гуьлле гунни виликандалай хейлин зайиф хьанвай. Ибур душман такьатсуз хьунин лишанар тир. ЛГ, 2004, 26. VӀӀ. Гишила такьатсуз хьанваз, кул-кусрал аламай кьурай пешер физвай рекье, капашдалди чухвана, жибинда твадай, мажал хьайи арада неда лугьуз. З. Ф. Элясна фимир. Синонимар: аман атӀун, бизар хьун, зайиф хьун. инжиклу хьун, икрагь хьун, инжиклу хьун, къуватсуз хьун, рекьидай кьван азабар гун, такьатдай аватун, такьатсуз хьун, чан къачун, чандивай хьун. Антонимар: гужлу хьун, такьатлу хьун, къуватлу хьун.