гл., ни вуж; -да, -на; -из, -зава; -а, -ин, -рай, -мир; тербияламиш авун, тербияламиш тавун, тербияламиш тахвун тербияламиш хъийимир инсанди вич ва я масад обществода тухунин адетар хуьдайвал чирун. Мугьмандиз аламат хьана: рушари диде инсандайни гьисабзавач. Ам аватӀани хабар авач. ГьикӀ тербияламишнаватӀа килиг. Рахана хъсан, туькӀвей, гилан аямдин марифат къачунвай хизан я. А. А. Лезгияр. Школадиз къуллугъ авунилай, цӀийи несил тербияламишунилай гуьзел кар авайди туш. З. Э. Арифдиз ишара. ЧӀехи бизнесдал машгъул, алай аямдин карчи тир Асан Нуьдуьрбегов чавай сифтени-сифте дагъвийрин лап камаллу адетралди хъсандиз тербияламишнавай кас я лугьуз жеда. ЛГ, 2003, 27. XӀ. "Шарвили" эпосдин идеяйралди несилар тербияламишунин кӀвалахар суварилай гуьгъуьнизни, ара атӀунар авачиз, давамарун чарасуз я. М. Ж. Сад хьайила рикӀер чи... Синоним: тербия гун.