туьрк, сущ.; -уни, -уна; -ар, -ари, -ара 1) чилел гьалчайла цавуз акъатдай, къене уф авай элкъвей формадин къугъвадай затӀ. Магазиндай хтана за жуван кӀвализ кам къачуна. Ваз иер туп, дидедизни гимишдин са цам къачуна. А. С. Хцихъ галаз ихтилат. На гагъ ктаб кӀелзава, Гагь къачузва туп. А. С. Зи гъвечӀи руш... Кьвалан пад хьтин ЦӀарудин гуьгъуьналлаз жирин туп хьтин элкъвей Келбялини кӀвачел акьалтна. Б. Гь Заз эвера. 2) хъуьтуьл затӀарин (парчадин, чарарин) элкъвей кӀватӀал. Яру еб алчуднавай чарарин туп гъиле аваз Бег атана. А. А. Пад хьайи рагъ. . * туп-лаш къугъун гл., вуж ( ар ) са патанбуру лашуналди туп ягъиз, муькуь патанбуру ам кьаз къугъун. Ятахра къекъвен, къайи ятар хъван. Къацу чуьллера туп-лашни къугъван. А. Мут. ВикӀегь Расул. Жегьилар гагь кьван гадриз къугъвазвай, гагьни туп-лаш. З. Э. Муьгьуьббатдин цӀелхем. Куьгьне ЦицӀигъ фикирдиз гъайила, ана вичин аял вахтар кечирмишай касдин рикӀел, зи фикирдалди, сифтени-сифте хкведайди арандин хуьрера авачир, гила, мумкин я, санани амачир шад къугъунар я. Ибурукай яз чавай агъадихъ галайбур къалуриз жеда: беле-беле, кӀинтӀ-лаш, кӀумп-лаш, туп-лаш, къуьлбармак, лапӀи-лапаш, лал-байкъуш, къвани-къван, чӀагъ-чӀагъ, гьанда-гьанда, энзели, кацни кьиф, гъуьрчехъанар-уьрдеганар, пӀерпӀелагдин къугъун. ккӀалрал къугъун, чурумар кутун, кӀирераллаз къекъуьн, къумпарайрай ягъун, фарфалагар дагурун. цӀарарал кьугъун, чукӀулрал къугъун, хтарин дулма авун, чуьхверрикай къванцел мед авун, верхи тарцин чкалрикай кендир авун ва адай чӀун чӀугун, гъулцин тарцин чкалрикай авунвай кукуна тум гайи нек цана, квар вегьин ва са къадар масабур. С. Муслимов. ЦицӀигъ-наме.
* туп-туп гум(ар) сущ. элкъвей ва къалин кӀватӀал гум(ар). Вичин адет тирвал, ламран юкьвал ацукьна, ада яргъи тум галай къалиян чӀугвазвай. Гумар туп-туп цавуз акъудзавай. З. Э. КУТВ-диз фена.